Saray Salmo 100:5 - Maung A Balita Biblia

⁵ Maung so Katawan; ando lan ando so panangaro to tan anggad angga so inkatoor to.

Maung a Balita Biblia

⁵ Maung so Katawan; ando lan ando so panangaro to tan anggad angga so inkatoor to.

Saray Salmo 100:5 Referans Kwoze

Saray Salmo 106:1

Idayew yoy Katawan! Misalamat kayod Katawan, ta sikato et maung; andi-anggaan so panangaro to.

Saray Salmo 107:1

“Misalamat kayod, Katawan, ta sikato et maung; andi-anggaan so panangaro to!”

Saray Salmo 86:5

Katawan, maung tan manamirdona ka, napno kay ag mangoman a panangaro ed amin da ray mampipikasid sika.

Saray Salmo 36:5

Katawan, say ag mangoman a panangarom et sasabien to ray katawenan; say katooran mo et sasabien to ray kaloreman.

Jeremias 33:11

iray eyag na liket tan gayaga, tan say tanul na sayaksak ed saray bansal. Narengel yo ray totoon mankanta legan dan mangibabagat ed Timplok na pisasalamat; ikuanda, ‘Misalamat kayod Katawan a Makapanyarin-amin, ta sikato et maung, tan ag mangangga so panangaro to.’ Paaligwasen ko yan dalin a singa samay kipapasen to nen saman. Siak, say Katawan, so nansalita.”

1 Saray Awaran 16:34

Misalamat kayod Katawan, ta sikato et maung; andi-anggan so panangaro ton ag mangoman!

Saray Salmo 103:17

Balet mansiansian anggad angga so panangaroy Katawan ed saray mangigagalang ed sikato, tan magnayon ed amin a kailalakan so kaabigan to,

Lucas 1:50

ipanengneng toy panangasi to ed amin da ray mangigagalang ed sikato, manlapud sakey a kailalakan ya anggad ontombuk iran kailalakan.

Nahum 1:7

Say Katawan et maung; iyaagel tod panaon na gunigon iray totoo to; aasikasoen to ray onsisingger ed sikato.

Saray Salmo 119:68

Agaylay kamaungan mo tan panangasim! Ibangat mo pad siak iray ganggan mo.

Saray Salmo 107:22

Nepeg dan pisalamatan diad panamegley na saray bagat, tan ibawag day ginagawa to diad panamegley na saray kanta na liket.

Saray Salmo 107:8

Nepeg dan pisalamatan so Katawan, lapud ag mangoman a panangaro to, lapud makapakelaw iran ginagawa ton para sikara!

Saray Salmo 85:10

Manabet so panagaro tan inkatoor; ontan met a manlakapan so inkatonung tan kareenan.

Esdras 3:11

Nankakanta ra a pangidayew tan pisalamat dad Katawan. Inolit-olit dan kinanta yan parti na kanta: “Maung so Katawan tan say ag mangoman a panangaro tod Israel et andi-anggaan.” Inmeyag so balang sakey na anggaay nayarian to; indayew day Katawan lapud nigapo lan niletneg so pundasion na Timplo.

Tito 1:2

a niletneg ed ilalod andi-anggaan a bilay. Say Dios ya ag mantila so angisipan ed sayan bilay, nanlapu lad kasakbayan na inkapalsay mundo.

Saray Salmo 52:1

O toon makapanyari, akin et ilalastug moy kaogsan mo? Anggad angga so inkatoor na Dios.

Mikias 7:20

Ipanengneng moy inkatoor tan say ag mangoman a panangarom ed saray totoom, saray kabyangay boleg di Abraham tan Jacob, onung na insipan mod saray lalaki mi, nen saman nin panaon.

Saray Salmo 107:15

Nepeg dan pisalamatay Katawan lapud ag mangoman a panangaro to, lapud makapakelaw iran ginagawa ton para sikara.

Deuteronomio 7:9

Ag yo lilingwanan a say Katawan a Dios yo et bukor toy Dios tan sikatoy matoor. Tooren toy impisipanan to tan ag mangoman so panangaro tod saray nilibon kailalakan na saray mangarod sikato tan saray matoluk ed saray ganggan to,

Saray Salmo 146:6

say Manamalsay tawen, dalin, dayat, tan amin a logan da. Susumpalen to lawas iray sipan to;

Saray Salmo 25:8

Matonung tan maung so Katawan, kanyan ibabangat tod saray makasalanan so dalan a nepeg dan tombuken.

Saray Salmo 138:8

Sumpalen mon amin iray insipan mod siak; Katawan, andi-anggaan so panangarom. Sumpal mo pay kimey ya inggapom.