Saray Salmo 10:12 - Maung A Balita Biblia

¹² Alagey ka, Katawan, ta dusam iray totoon maoges! Ag mo pa lilingwanan iray maniirap!

Maung a Balita Biblia

¹² Alagey ka, Katawan, ta dusam iray totoon maoges! Ag mo pa lilingwanan iray maniirap!

Saray Salmo 10:12 Referans Kwoze

Mikias 5:9

Taloen na Israel iray kalaban to tan deralen to ra.

Saray Salmo 9:12

Nununoten na Dios iray maniirap; ag to lilingwanan so ey-ey da, tan dudusaen to ray mamapasegsegang ed sikara.

Isaias 33:10

Say Katawan kuantod saray bansa, “Natan, siak so onggalaw. Ipanengneng koy ontan lan pakayarik.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Saray Salmo 94:2

Sika so huis na amin a katoowan; alagey ka pa tan iter mod saray mapaatagey so dusan kanepegan da!

Saray Salmo 17:7

Ipaamtam pay ag mangoman a panangarom tan ilaban mo ak; ag ak nasigensigen na saray kalaban ko no wala ak ed diking mo.

Saray Salmo 77:9

Alingwanan la na Dios kasi so mangasi? Ag la kasi mangasi lapud pasnuk to?”

Saray Salmo 13:1

Katawan, anggad angga so pangililingwan mod siak? Anggad kapigan ni so pangisasanib moy lupam ed siak?

Saray Salmo 9:19

Alagey ka, O Katawan! Ag ka patatalod saray totoo! Tipon mo pad arap mo iray ag manisiad sika tan sintinsiaan mo ra.

Saray Salmo 7:6

Alagey ka lapud pasnuk mo, O Katawan! Talindeg ka sumpad sebeg da ray kalaban ko; bangon ka pa tan tulongan mo ak! Katonungan so labay mon nagawa,

Saray Salmo 3:7

Gala pa, Katawan! Ilaban mo ak, O Dios ko! Dudusaen mon amin iray kalaban ko, tan eekalan mo ray pakayarin mamasakit ed siak.

Saray Huis 16:28

Insan nampikasiy Samson, “Katawan a Dios, nunot mo ak pa; O Dios, pabiskeg mo ak pa nin maminsan labat natan, pikasik ed sika, pian makabawi ak ed sarayan Filisteo ed impanokit dad saray matak.”

Saray Salmo 9:13

Kasian mo ak pa, O Katawan! Nengneng mo pa so paniirap ko ya iiter na saray kalaban ko! Ipaliis mo ak pad patey, O Katawan,

Saray Salmo 17:13

Gala pa, Katawan, ta labanan mo ray kalaban ko tan talom ira! Iyagel mo ak pad saray totoon maoges diad panamegley na ispadam;

Saray Salmo 74:19

Ag mo pa papaolyan iray pangaskasiyan a totoom ed saray maruksan kalaban da; ag mo pa lilingwanan iray totoom a napapairap!