Saray Salmo 10:11 - Maung A Balita Biblia

¹¹ Say toon maoges kuantod sikaton dili, “Anggapoy pibabali na Dios! Inlikdem to ray mata to, kanyan ag to ak balut nanengneng!”

Maung a Balita Biblia

¹¹ Say toon maoges kuantod sikaton dili, Anggapoy pibabali na Dios! Inlikdem to ray mata to, kanyan ag to ak balut nanengneng!

Saray Salmo 10:11 Referans Kwoze

Ezekiel 8:12

Tinepet na Dios ed siak, “Sika a toon ompatey, nanenengneng moy maamut a gagawaen da ray pangulo na saray Israelita? Mangigagalang iran amin ed sakey a kuarton napnoy imahin. Inkuanda ya ibabaraan: ‘Ag itayo nanenengneng na Katawan! Inkaindan to so bansa.’”

Saray Salmo 94:7

Kuanda, “Ag itayo nanenengneng na Katawan; ag itayo nanaimano na Dios na Israel.”

Saray Salmo 73:11

Kuanda, “Ag naamtaan na Dios, ag nakabatan na Sankatageyan.”

Saray Salmo 10:6

Kuantod sikaton dili, “Ag ak balut natalo; ag ak balut nagunigon!”

Ezekiel 9:9

Inmebat so Dios, “Baleg a tuloy so kasalanan na saray totood Israel tan Juda. Nampapatey irad inerman a pasen na dalin na Israel tan pinano ray Jerusalem na amin a kaogsan. Ibabaga ra a siak a Katawan et inkaindan koy bansa ra tan ag ko ra nanenengneng.

Ecclesiastes 8:11

Akin et maininomay a manggaway kaogsan iray totoo? Lapud ag nadudusan tampol so kaogsan.

Saray Salmo 64:5

Mampapabiskegan iray linawa nipaakar ed saray maoges a komplut da; pantotongtongan da no iner so pangiliraan da ray patit da. “Anggapoy makanengneng ed saraya,” kuanda.

Lucas 7:39

Nen anengneng ya na samay Pariseon angimbita, inkuantod sikaton dili, “No tuan propita yan too, kabat to komun no siopa yan bii so mandiriwit ed sikato—sakey a makasalanan!”

Marcos 2:6

Wala met diman iray akayorung a pigaran iskriba tan inkuandad kanunotan da,

Saray Salmo 59:8

Balet sika, Katawan, elek-elekan mo ra; balbalawen mon amin iray bansa.

Saray Salmo 64:6

Maoges iray plano ra, tan kuanda, “Ayadyari so impangiplano tayo ed sayan krimin.” Ag natalusan so puso tan kanunotay too!

Oseas 7:2

Ag dan balut ninunnunot ya ag ko nalingwanan ya amin iray kaogsan da; balet aliktub ira na saray kaogsan da, tan sankanengneng ko ra.”