Saray Huis 9:54 - Maung A Balita Biblia

⁵⁴ Insan to tinawag a tampol so tobun-balon umaawit na saray armas to tan kuantod sikato, “Bagut moy ispadam, ta patey mo ak. Ag ko labay a nibagan sakey a bii so amatey ed siak.” Kanyan dinoyuk na samay tobun-balo si Abimelec, et inatey.

Maung a Balita Biblia

⁵⁴ Insan to tinawag a tampol so tobun-balon umaawit na saray armas to tan kuantod sikato, Bagut moy ispadam, ta patey mo ak. Ag ko labay a nibagan sakey a bii so amatey ed siak. Kanyan dinoyuk na samay tobun-balo si Abimelec, et inatey.

Saray Huis 9:54 Referans Kwoze

Saray Huis 9:55

Nen anengneng na saray Israelita ya inatey si Abimelec, sinmempet la ran amin.

1 Samuel 14:7

Inmebat imay balolaki, “Kaiba mo ak ed antokaman a labay mon gawaen.”

1 Samuel 14:12

Insan da ra tinawag di Jonatan tan samay balolaki, “Gali dia! Walay ibaga mid sikayo!” Inkuanen Jonatan ed samay balolaki, “Tombuk mo ak. Say Katawan initdan toy Israel na pananalo ed sikara.”

1 Samuel 14:13

Kinmalab si Jonatan diad impaway tod samay dalan, ya inkana to ray lima tan say pueg to. Tinmombuk ed sikato may balolaki. Dinogpaan nen Jonatan iray Filisteo et aleslespak ira, tan samay balolaki pinapatey to ra.

1 Samuel 14:14

Diad saman a laban, sakey a duamplon lalaki so pinapatey di Jonatan tan samay balolaki diad pasen a sakey a kapalduay iktario so kabaleg to.

1 Samuel 14:17

Kanyan inkuanen Saul ed saray totoo to, “Bilang yo ray sondalo, ta nengneng yo no siopay anggapo.” Nen abilang da la ra, arumog dan anggapo ra di Jonatan tan samay balolakin umaawit na armas to.

1 Samuel 16:21

Linmay David ed kinen Saul tan nilingkuran to. Labalabay nen Saul tan pinili ton umaawit na saray armas to.

1 Samuel 31:6

Onyay impatey nen Saul, saray taloran anak ton lalaki, tan samay balolaki; diad saman ya agew inaatey iray amin a totoo nen Saul.

2 Samuel 1:10

Kanyan dinagok tan pinatey ko, ta amtak ya ompatey met lamlamang diad katumba to. Insan ko inalay koronad olo to tan say pulsira ed taklay to tan inawit ko diad sika, katawan ko.”

1 Saray Awaran 10:4

Inkuantod balolakin umaawit na armas to, “Oyus moy ispadam tan patey mo ak, ompan panggalaw-galawan da ak ira yan totoon anggapoy Dios.” Balet ag ginawa na samay balolaki, ta mapalaloy takot to. Kanyan inala nen Saul so dilin ispada to, insan to intakbay laman to ed samay ispada.

1 Saray Awaran 10:5

Nen anengneng na samay balolaki ya inatey lay Saul, intakba to met so laman to ed dilin ispada to, et inatey.

Saray Huis 4:9

Inmebat si Debora, “No ontan sirin, mila ak ed sika, balet aliwan sikay napagalangan ed nagamuran a pananalo, lapud ipalima na Katawan ed sakey a bii si Sisara.” Kanyan linmad Kedes si Debora a kaiba toy Barac.

2 Samuel 1:7

Linmingaw tan anengneng to ak, insan to ak tinawag. Inmebat ak, ‘Wadya ak,’

2 Samuel 1:9

Insan inkuanto, ‘Gala dia ta patey mo ak! Mapalaloy inkasugat ko tan ompapatey ak la.’