Saray Huis 9:5 - Maung A Balita Biblia

⁵ Linmad abung nen ama to ed baley na Ofra tan diad tapew na sakey a bato, pinatey to ra may pitomplon agagi ton lalaki ya anak nen Gedeon. Balet akaamut si Jotam a sankayogtanan ya anak nen Gedeon, kanyan ag apatey.

Maung a Balita Biblia

⁵ Linmad abung nen ama to ed baley na Ofra tan diad tapew na sakey a bato, pinatey to ra may pitomplon agagi ton lalaki ya anak nen Gedeon. Balet akaamut si Jotam a sankayogtanan ya anak nen Gedeon, kanyan ag apatey.

Saray Huis 9:5 Referans Kwoze

2 Saray Awaran 21:4

Nen malet lay panooley tod nanarian, impapatey ton amin iray agagi ton lalaki, tan saray pigaran opisyal ya Israelita.

Saray Huis 6:24

Amaalagey diman si Gedeon na altar a para Katawan tan inngaran to na “Kareenan so Katawan.” (Anggad natan, sayan altar et manalalagey nid man ed Ofra a kayaryan na boleg nen Abiezer.)

Mateo 2:20

Inkuanto may anghil, “Bangon ka tan isempet mo lad dalin na Israel so ogaw tan say ina to, ta inatey la ra may mamapatey ed ogaw.”

Mateo 2:16

Nen akabatan nen Herodes a niluko na saramay makakabat a totoo, agaylay pasnuk to. Lapud petang na olo to, ingganggan to a pateyen iray ogogaw a lalaki ed Betlehem tan diad saray kaliber-liber a pasen. Impapatey to ray amin ya ogogaw a lalaki, manlapud duay taon a mampaleksab, onung ed panaon na inletaw na bitewen a naamtaan tod saramay makakabat a totoo.

2 Saray Arari 10:17

Kasabi rad man, pinatey nen Jehu ray amin a kakanayon nen Acab; anggapoy intilak to ya anggan sakey, onung na imbagay Katawan diad panamegley nen Elias.

Saray Huis 9:2

a tepeten dad saray totood Sikem, “Antoy labay yo? Say panoley ed sikayo na saray pitomplon lalakin anak nen Gedeon odino say panoley na sakey labat a too? Nepeg yon nunoten a kadalaan yoy Abimelec.”

Saray Huis 8:30

Pitomplon lalaki iray anak to, lapud amayamay so asawa to.

Saray Huis 9:6

Insan nantitipon ya amin iray totood Sikem tan Bet-millo tan linma rad masanton kiew a robli ed Sikem, tan diman da impagmaliw ya ari si Abimelec.

Saray Huis 9:18

Balet natan aliwa kayon matoor ed pamilya nen amak. Pinatey yod tapew na sakey a bato ira may pitomplon lalaki ya anak to. Et lapud kanayon yo si Abimelec ya ilalak nen amak ed aripen to, impagmaliw yon ari na Sikem.

2 Saray Arari 10:7

Nen naawat da may sulat, pinatey na saray pangulo na Samaria ira may pitomplon kabyangay boleg nen Acab, inyan dad saray baskit iray olo ra, insan da ra impawit ed kinen Jehu diad Jezreel.

Saray Huis 6:11

Insan linmad patar na Ofra imay anghil na Katawan tan inmirung ed silong na kiew a robli a kayaryan nen Joas a lakin kabyangan na boleg nen Abiezer. Inmamut a maniilik na trigo ed pespesan na alak si Gedeon a lakin anak nen Joas, pian ag nanengneng na saray Madianita.

1 Saray Arari 1:12

No labay mon niagel so bilay mo tan say bilay na anak mon Solomon, gawam yan simbawak ed sika:

1 Saray Arari 1:21

No ag mo ya gawaen natan, kapatey mo siak tan si Solomon ya anak ko et nipasen kamin traidor.”

2 Saray Arari 11:3

Kinomisan nen Josaba ya anem taon imay ogaw tan inyaamut tod dalem na Timplo, legan na impanoley nen Atalia a riyna.