Saray Huis 9:28 - Maung A Balita Biblia

²⁸ Inkuanen Gaal, “Anto itayon klasin totood Sikem? Akin et manlilingkur itayod kinen Abimelec? Siopa ta man a too a? Anak labat nen Gedeon, anto? Onur-onur ed sikato si Zebul, balet akin et manlilingkur itayod sikato? Nepeg a matoor kayod laki yon Hamor a sengeg na boleg yo!

Maung a Balita Biblia

²⁸ Inkuanen Gaal, Anto itayon klasin totood Sikem? Akin et manlilingkur itayod kinen Abimelec? Siopa ta man a too a? Anak labat nen Gedeon, anto? Onur-onur ed sikato si Zebul, balet akin et manlilingkur itayod sikato? Nepeg a matoor kayod laki yon Hamor a sengeg na boleg yo!

Saray Huis 9:28 Referans Kwoze

Genesis 34:2

Nen anengneng nen Sikem a lakin anak nen Hamor a Heveo imbatik to, insan to pinasoot ya inakdulan.

1 Samuel 25:10

tan inmebat a siansiay Nabal ed sikara, “David? Siopa tan a too? Natad sayan panaon, amayamay iray aripen ya ibabatikan da ray amo ra!

Genesis 34:6

Nen nitan la ray lalakin anak nen Jacob a nanlapud kaalogan, sinmabi met si Hamor ya ama nen Sikem, ta labay toy mitongtong ed kinen Jacob. Nen nadngelan day agawa, abigla ra tan mapalaloy pasnuk da ed sayan impamasoot nen Sikem ed agi ran bii tan say impamaabeba tod saray totood Israel.

1 Saray Arari 12:16

Nen abirbir na saray totoo ya ag ira dengelen na ari, inmeyag ira, “Anggapo lay pibibiang tayod kinen David tan say pamilya to. Antoy ginawa ran para sikatayo? Totood Israel, onsempet ti la! Akaoley lad sikaton dili si Roboam!” Kanyan sinmempet lan amin iray totood Israel.

2 Samuel 20:1

Nibanan wadman ed Gilgal so sakey a toon andi-kakanaan a si Seba a lakin anak nen Bicri, tan kabyangan na tribu nen Benjamin. Pinaknul toy trumpita tan ineyag to, “Anggapoy pibabali mid kinen David ya anak nen Jesse. Ag kami ontombuk ed sikato! Lalakin taga Israel, onsempet ti la!”

Saray Huis 9:26

Insan si Gaal a lakin anak nen Ebed et linmad Sikem a kaiba to ray agagi ton lalaki, tan nanmatalek ed sikato iray totoo ed Sikem.

Genesis 33:19

Sinaliw to man a parti na alog ed saray kabyangay boleg nen Hamor ya ama nen Sikem; sanlasus a kuartan pilak so imbayar to.

Saray Huis 9:41

Nanayam ed Aruma si Abimelec, tan pinataynan nen Zebul ed Sikem si Gaal tan saramay lalakin agagi to, kanyan ag la rad man akapanayam.