Saray Huis 9:24 - Maung A Balita Biblia

²⁴ Agawa ya, pian nabayaran day maoges a ginawa nen Abimelec tan saray totood Sikem ya anogsog ed sikato a mamatey ed saray pitomplon lalakin anak nen Gedeon.

Maung a Balita Biblia

²⁴ Agawa ya, pian nabayaran day maoges a ginawa nen Abimelec tan saray totood Sikem ya anogsog ed sikato a mamatey ed saray pitomplon lalakin anak nen Gedeon.

Saray Huis 9:24 Referans Kwoze

1 Saray Arari 2:32

Dusaen na Katawan si Joab lapud saraman ya impamatey to ya anggapoy pikakabat nen amak a David. Pinatey nen Joab si Abner a pangulo na saray sondalo na Israel, tan si Amasa a pangulo na saray sondalo na Juda. Pinatey to ran anggapoy kasalanan, anta maung tan matonung ni ra nen say sikato.

Saray Salmo 7:16

Kanyan dudusaen ira lamlamang na dilin kaogsan da, tan napapasakitan ira na dilin panagduksa ra.

Ester 9:25

Balet linmay Ester ed ari, tan angipaakseb so ari na saray nisulat a ganggan. Say agawa et si Haman so nansumpalan na samay maoges a ginetma tod saray Judio; sikato tan saray anak ton lalaki so nibitay ed panagbitayan.

1 Samuel 15:33

Inkuanen Samuel, “Say ispadam impagmaliw ton anggapoy anak iray amayamay ya ina; ontan met a magmaliw ya anggapoy anak so inam.” Insan tinartar toy Agag diad arap na altar ed Gilgal.

Deuteronomio 27:25

“‘Napelag komun so samba na Dios ed siopaman a mangawat na kuarta a bayar na pamatey tod toon anggapoy kasalanan.’ “Insan onebat iray amin a totoo, ‘Amen!’

Saray Bilang 35:33

No pambayaren yo, dotakan yoy dalin a panayaaman yo. Ta say pamatey na too et dotakan toy dalin, tan likud ed pamatey ed toon amatey anggapoy sirimonya a nayarin gawaen a makapanlinis ed dalin ya impamateyan ed sakey a too.

Saray Huis 9:25

Saray totood Sikem angipasen ira na saray totoo ed saray toktok na palandey, ta sikaray mananeb ed kinen Abimelec, tan sinasamsaman da ray amin a dinmalan diman. Sayan nagagawa et nibaga ed kinen Abimelec.

Saray Huis 1:7

Inkuanen Adoni-bezec, “Nandodokdok nen saman na ibung ed silong na lamisaan ko iray arari ya apotut-potut so tangan na lima tan sali ra. Gagawaen ed siak natan na Dios imay ginagawak ed sikara.” Niakar ed Jerusalem si Adoni-bezec, tan diman la inatey.

1 Saray Arari 2:33

Andi-anggaan so pakadusa nen Joab tan saray kabyangay boleg to, lapud sarayan impamatey tod saray totoon anggapoy kasalanan. Balet paaligwasen lawas na Katawan so siopaman ed saray kabyangay boleg nen David ya onyorung ed trono to.”

Saray Salmo 7:17

Pisasalamatan koy Katawan lapud inkatonung to; kakantaan ko na pangidayew so Katawan a Sankatageyan.