Saray Huis 9:15 - Maung A Balita Biblia

¹⁵ Inmebat imay masabit ya abeban kiew, ‘No tuan labay yon pagmaliwen ak ya ari yo, gali dia sirin ta sirum kayod silong ko. No ag kayo, ompugsoy manliub ya apoy a manlapud saray masabit a sangak tan poolan to ray kiew a sidro ed Libano.’

Maung a Balita Biblia

¹⁵ Inmebat imay masabit ya abeban kiew, No tuan labay yon pagmaliwen ak ya ari yo, gali dia sirin ta sirum kayod silong ko. No ag kayo, ompugsoy manliub ya apoy a manlapud saray masabit a sangak tan poolan to ray kiew a sidro ed Libano.

Saray Huis 9:15 Referans Kwoze

Isaias 30:2

Oonla rad Egipto ya onkerew na tulong balet ag ira kinmerew ed siak na simbawa. Labay dan iyagel ira na Egipto, kanyan nanmatalek ira ed ari na Egipto.

Oseas 14:7

Mambilay iran walad silong na panangyagel ko lamet. Ombaleg iran singa tanaman ed alog, tan mambunga ran singa saray sengeg na kaubasan. Magmaliw iran bantug a singa alak na Libano.

Isaias 2:13

Deralen ton amin iray atatagey a kiew a sidro ed Libano tan amin a kiew a robli ed dalin na Basan.

Saray Huis 9:20

Balet no andi, ompugso komun so manliub ya apoy a manlapud kinen Abimelec tan poolan to ray totood Sikem tan Bet-millo. Ompugso met komun so manliub ya apoy a manlapud Sikem tan Bet-millo tan poolan toy Abimelec.”

Daniel 4:12

Marakerakep iray bolung to tan napno na bungan nayarin kanen na anggan amin a totoo ed intiron mundo. Nampapainawad silong to iray ayayep ed takel, nanoobung ed saray sanga to iray manok, tan angakan na saray bunga to iray amin a mabilay a pinalsa.

Ezekiel 19:14

Apoolan so sengeg to; apoolan met iray sanga tan say bunga to. Ag lan balut ombiskeg iray sanga to, ag la ra magmaliw a sitro na ari. Sikato yay sakey a maermen a kanta; amimpiga-piga la yan akankanta.

Isaias 37:24

Angibaki ka na saray totoom ya ipasirayew dad siak a dinakep mo ray sankaatageyan a palandey na Libano, lapud saray amayamay a karwahim. Impasirayew mo a nambabatang kad man na saray sankaatageyan a kiew a sidro tan saray sankaabigan a kiew na saleng, tan nakar mo ray sankaote-otelan na saray takel.

Saray Salmo 104:16

Napepenek na danum iray kiew a sidro na Libano, saray kiew a kayaryan tan intatanem na Katawan.

2 Saray Arari 14:9

Balet onyay ebat nen Ari Jehoas: “Aminsan, diad Palandey na Libano, impaikuan na masabit a kiew ed kiew a sidro: ‘Ipaasawam so anak mo ed anak ko.’ Insan dinmalan so sakey ya ayep ed katakelan tan ginatinan to may masabit a kiew.

Saray Bilang 21:28

Nen saman manlapud sayan siudad na Hesbon Pinmaway a singa apoy iray sondalo nen Sehon; Dineral to so siudad na Ar diad Moab Tan inoput toy kapokdulan na tagey na Arnon.

Ezekiel 31:3

Singa kayo sakey a kiew a sidro ed Libano, A marakerakep iray masalumpapak a sanga-sanga to, Sakey a kiew ya atagtagey a nasasabi toy kaloreman.

Isaias 1:31

No panon a napadalang na anggan melmelag ya apoy so amagan dayami, ontan met a naderal iray makapanyarin totoo diad panamegley na saray dilin maoges a gawgawa ra tan anggapoy makapatonda na kaderal da.

Saray Huis 9:49

Kanyan nambabatang na sangay kiew so balang too, insan tinombuk day Abimelec tan imbunton dad sengeg na tori iray kiew. Pinoolan da may kiew legan a walad dalem ira may totoo, et inatey ya amin iray wadmad tori—sakey a sanlibo ran amin, lalaki tan bibii.

Saray Huis 9:14

Kanyan amin da ra may kiew inkuandad masabit ya abeban kiew. ‘Gala, ta sika la so ari mi.’

Saray Huis 9:16

“Natan sirin,” kuanen Jotam ya intuloy, “malinis kasiy konsinsia yo tan anggapoy duaruwa yo nen impagmaliw yon ari si Abimelec? Pinagalangan yo kasiy pakanudnotan ed amak a Gedeon tan marakep kasiy ginawa yod pamilya ra onung ed kanepegan ya itumang ed saramay ginagawa ra?

Saray Salmo 29:5

Say bosis na Katawan popoteren to ray kiew a sidro, anggan saray sidro ed Libano.

Saray Huis 9:44

Nen si Abimelec tan say grupo to et ginanatan day sinmulong a mangguardiad puirta na siudad, dinogpaan na saray duaran grupo iray totoo ed kaalogan tan pinapatey da ran amin.

Saray Tagleey 4:20

Narel day sobul na bilay mi, say arin pinili na Katawan; sikatoy manoley a nanmatalekan min mangyagel ed sikami ed anggan siopan ondogpad sikami.