Saray Huis 8:27 - Maung A Balita Biblia

²⁷ Ginawa nen Gedeon a talintao imay balituk, insan to inyan ed baley ton Ofra. Imbeneg na amin da ray Israelita so Dios tan linma rad man ya angigalang ed samay talintao. Sakey iman a patit ed kinen Gedeon tan say pamilya to.

Maung a Balita Biblia

²⁷ Ginawa nen Gedeon a talintao imay balituk, insan to inyan ed baley ton Ofra. Imbeneg na amin da ray Israelita so Dios tan linma rad man ya angigalang ed samay talintao. Sakey iman a patit ed kinen Gedeon tan say pamilya to.

Saray Huis 8:27 Referans Kwoze

Saray Salmo 106:39

Dinotakan day sikaran dili onung ed ganggan lapud saray gawgawa ra, tan aliwa ran matoor ed Dios.

Saray Huis 18:14

Insan saramay limaran nibaki a mannengneng ed dalin a kaliber-liber na Lais kuandad saray kakaiba ra. “Diad sakey ed saray abung dia walay kiew a talintaon naokupan na pilak. Wala met iray arum a talintao tan walay sakey ya ipod. Antoy kuanyon gawaen tayo?”

Saray Huis 17:5

Si Micaya et walay pasen ton dili a panangigalangan. Nanggawa na saray pigaran talintao tan sakey ya ipod, tan tinoro ton sakey a pari so sakey ed saray anak ton lalaki.

Saray Huis 18:17

Tinmuloy ed abung ira may limaran nibaki a mannengneng ed dalin tan inala ra may kiew a talintaon naokupan na pilak, saramay arum a talintao, tan samay ipod, legan a kaiba na samay pari ed puirta ira may anem a lasus a sondalon akaarmas.

Deuteronomio 7:16

Deral yo ray amin a bansa ya ipatalo ed sikayo na Katawan, tan ag yo ran balut kakasian. Ag yo igagalang iray diriyos da, ta patit ya ed sikayo.

Saray Huis 6:24

Amaalagey diman si Gedeon na altar a para Katawan tan inngaran to na “Kareenan so Katawan.” (Anggad natan, sayan altar et manalalagey nid man ed Ofra a kayaryan na boleg nen Abiezer.)

Exodo 23:33

Ag yo aabuloyan a manayam ed bansa yo ira man a totoo; no abuloyan yo ra sagyaten da kayon mankasalanan ed siak. No mangigalang kayod saray diriyos da, andi-duaruwan patit ya ed sikayo.”

Oseas 2:2

Anak ko, pitongtongan yoy ina yo—anggaman ya ag ko la asawa, tan ag to ak la asawa. Pikasi yod sikato a tondaan to lay marotak a gagawaen to tan say pikakaloguran to.

Isaias 8:20

Onya so iyebat mod sikara, “Dengel yoy ibabangat ed sikayo na Katawan! Ag yo dedengelen iray managpanon ed saray ispiritu na inaatey—ag da napaandi so gunigon.”

Saray Salmo 73:27

Saray mangikakaindan ed sika et andi-saew ya ompatey ira; deralen mo ray aliwan matoor ed sika.

Saray Huis 6:11

Insan linmad patar na Ofra imay anghil na Katawan tan inmirung ed silong na kiew a robli a kayaryan nen Joas a lakin kabyangan na boleg nen Abiezer. Inmamut a maniilik na trigo ed pespesan na alak si Gedeon a lakin anak nen Joas, pian ag nanengneng na saray Madianita.

Deuteronomio 12:5

Diad dalin na amin da ray tribu yo, say Katawan mamili na sakey a pasen a panayaman to a sikatoy laen na saray totoo a pangigalangan ed sikato.

Deuteronomio 7:25

Poolan yo ray talintaoy diriyos da. Ag yo pampipilalekan a nakayaryan yo ray balituk odino pilak ya akasolung ed sikara. Ag yo ra aalaen a para sikayo. No alaen yo ran para sikayo, magmaliw iran patit ed sikayo, lapud kabosul na Katawan so pangigalang ed talintaoy dios.

Saray Huis 8:26

Sakey a duamplon kilon balituk so nala nen Gedeon, andi bali ni ray dikorasion, saray kolintas, saray ambalangan kawes ya isosolung na saray ararid Madian, tan saray abel ya akabaliber ed beklew na saray kamilyo ra.

Saray Huis 8:28

Atalo sirin na saray Israelita so Madian tan ag la ra linmaban. Apataploy taon a nanari ed dalin so kareenan ya anggad impatey nen Gedeon.

Exodo 32:4

Inala to ra nen Aaron, tinonaw to ra, inkalbo tod moldora, tan ginawa ton balituk a bakan kalakyan. Saray totoo kuanda, “Israel, sikato ya so dios tayo ya angipaway ed sikatayod Egipto.”

Exodo 34:16

Saray lalakin anak yo et asingger a mangasawa ra na saray bibiin anak da, et natanggoyur da ran ombeneg ed siak tan mangigalang ed saray diriyos da.

Saray Huis 2:2

Ag kayon balut misisipanan ed saray totoon manaayam ed sayan dalin. Nepeg yon igeba iray altar da.’ Balet ag yo sinumpal so imbagak ed sikayo. Sinumlang yo laingen!

Saray Huis 2:3

Kanyan ibabagak ed sikayo natan ya ag ko pataynanen ira yan totoo legan yon mankukurang. Magmaliw iran kalaban yo, tan napatitan kayo ed pangigalang ed saray diriyos da.”

Saray Salmo 106:35

Ingen, akiasawaan irad sikara, tan tinmombuk irad saray kaogaliyan da.

Ezekiel 7:20

Nen saman inkikinon da ray mararakep ya alahas da, balet inkakana da rad panggaway makapaingungot iran talintao. Lapud saya impagmaliw na Katawan a makarimdimla iray balituk tan saray pilak da.

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.