Saray Huis 8:24 - Maung A Balita Biblia

²⁴ Balet intuloy ton inkuan, “Wala pay kerewen kon sakey a bengatla ed sikayo. Amin yo, iter yod siak iray ikaw ya inaala yo.” (Singa saray arum a totood kalawakan, akaikaw na balituk iray Madianita.)

Maung a Balita Biblia

²⁴ Balet intuloy ton inkuan, Wala pay kerewen kon sakey a bengatla ed sikayo. Amin yo, iter yod siak iray ikaw ya inaala yo. (Singa saray arum a totood kalawakan, akaikaw na balituk iray Madianita.)

Saray Huis 8:24 Referans Kwoze

Genesis 25:13

Nia ray kangaranan na lalakin anak nen Ismael, manlapud sankapangulowanan ya anggad sankayogtanan: Nebayot, Kedar, Abdeel, Mibsam,

Genesis 37:28

Nen onlalabas iray komirsiantin Madianita, inagwat na saramay sanaagi si Jose, insan da inlakoy duamplon kuartan pilak ed saray Ismaelita; inawit da sirin si Jose ed Egipto.

Genesis 37:25

Nen mangakan ira, anengneng day olup na saray Ismaelita a nanlapud Galaad tan mamapaarap irad Egipto. Napnoy beneg na kamilyo ra na pasas tan rikado.

1 Saray Arari 20:11

Inmebat si Ari Acab, “Ibaga yod kinen Ben-hadad a mampasirayew so peteg a sondalo kayariy bakal, aliwan diad kasakbayan na bakal.”

1 Samuel 25:11

Ag ko iter so tinapay tan danum, tan saray ayayep a pinapatas kon para saray kumakatliy karnirok, ed saray totoon ag ko amta no iner so nanlapwan da!”

Exodo 32:3

Kanyan amin da ray totoo ineekal da ray ikaw dan balituk tan inyakar da rad kinen Aaron.

Exodo 12:35

Ginawa na saray Israelita iray imbaga nen Moises, tan kinmerew irad saray Egipsio na pilak tan balituk ya alahas tan saray kawes.

Genesis 24:53

Insan impaway to ray awit ton alahas a balituk tan pilak tan saray kawes, tan inter to rad kinen Rebeca. Initdan to met so lakin agi nen Rebeca tan say ina to na mabmabli ran rigalo.

Genesis 24:22

Kasumpal ya inminom ira may kamilyo, angipaway imay aripen na mabmablin singsing a balituk tan inyan tod eleng na samay marikit, insan to sinolungay duaran balituk a pulsiras iray taklay to.

Genesis 35:4

Inter da sirin ed kinen Jacob iray amin a walad sikaran diriyos na arum a bansa, pati saray ikaw ya akabitin ed saray layag da. Inkotkot to ra yan amin ed silong na kiew a robli ya asingger ed Sikem.

Saray Huis 8:25

Inmebat iray totoo, “Maliket kamin mangiter ed sika.” Angibilkag ira na abel, tan inyan na balang sakey ya Israelita ed samay abel iray ikaw a nala to.

Genesis 25:12

Sikara ra yay kabyangay boleg nen Ismael a lakin anak nen Abraham ed kinen Agar, samay Egipsia ya aripen nen Sara.

Exodo 32:4

Inala to ra nen Aaron, tinonaw to ra, inkalbo tod moldora, tan ginawa ton balituk a bakan kalakyan. Saray totoo kuanda, “Israel, sikato ya so dios tayo ya angipaway ed sikatayod Egipto.”

Exodo 32:8

Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Ezekiel 7:20

Nen saman inkikinon da ray mararakep ya alahas da, balet inkakana da rad panggaway makapaingungot iran talintao. Lapud saya impagmaliw na Katawan a makarimdimla iray balituk tan saray pilak da.