Saray Huis 7:21 - Maung A Balita Biblia

²¹ Nanalagey ed pasen tod kaliber-liber na kampo so balang sakey, et kibatiktik a maneyag ya amin iray sondalod mad kampo.

Maung a Balita Biblia

²¹ Nanalagey ed pasen tod kaliber-liber na kampo so balang sakey, et kibatiktik a maneyag ya amin iray sondalod mad kampo.

Saray Huis 7:21 Referans Kwoze

Probirbio 28:1

Ombabatik iray totoon maoges anggaman ya anggapoy onoosil ed sikara, balet saray totoon maptek so panagbilay da masebeg ira a singa lion.

Isaias 30:15

Say Katawan a Dios a Masanto na Israel kuanto ed saray totoo, “Pawil kayo tan mandeen kayon manmatalek ed siak. Diad ontan ombiskeg kayo tan niarawi kayod kaatapan.” Balet ag yo labay a gawaen.

Isaias 30:7

Andikakanaan a tulong so iter na Egipto. Lapud saya pinangaranan koy Egipto na ‘Say Maamon Dragon.’”

2 Saray Awaran 20:17

Aliwan sikayoy nepeg a milaban ed sayan bakal. Ilira yo labat so sikayon dili tan manalagar kayo; nanengneng yoy pangiter na Katawan ed sikayo na pananalo. Totood Juda tan Jerusalem, ag kayo ontatalaw odino ontatakot. Paway kayon mibakal, tan olupen kayo na Katawan!”

Exodo 14:25

Inkokotep toy dalig na saray karwahi ra kanyan mapalaloy inkairapan dan nankurang. Saray Egipsio kuanda, “Say Katawan ibabakalan to ray Israelita sumpad sikatayo. Ontaynan itayo la!”

Saray Hebreo 11:34

ineerep day manliub ya apoy, tan nililiktaran day ipapatey ed ispada. Kinmakapoy ira, balet nagmamaliw iran mabiskeg; makapanyari rad bakal tan tinatalo da ray sondalo na saray arum a bansa.

Saray Huis 7:20

tan onman met so ginawa na saramay duaran grupo. Binembenan dad kawigin lima ra may nipotan ya apoy, tan diad kawanan a lima ra so trumpita, insan da ineyag, “Sakey ya ispada a para Katawan tan si Gedeon!”

1 Saray Arari 20:20

Apatey na balang sakey ed sikara so kalaban to. Batik iray Siriano, tan inoosilan ira na saray Israelita. Akakabayon binmatik si Ben-hadad tan saray pigaran akakabayo met a kaiba to.

2 Saray Awaran 20:15

Inkuanen Jahaziel, “Kagalang kon Ari tan amin yon totood Juda tan Jerusalem, imbaga na Katawan ya ag yo nepeg a pakakapoyey linawa yo, odino ontatakot a mibakal ed sarayan amayamay a sondalo. Andid lima yo yan bakal no ag ingen walad lima na Dios.