Saray Huis 6:39 - Maung A Balita Biblia

³⁹ Insan inkuanen Gedeon ed Dios, “Ag ka pa komun mamapasnuk ed siak; wala pa niy kerewen ko. Maminsan pa nin ikanak imay abel ed panubok ko. Nabasa komun natan so dalin, balet mansiansian amaga may abel.”

Maung a Balita Biblia

³⁹ Insan inkuanen Gedeon ed Dios, Ag ka pa komun mamapasnuk ed siak; wala pa niy kerewen ko. Maminsan pa nin ikanak imay abel ed panubok ko. Nabasa komun natan so dalin, balet mansiansian amaga may abel.

Saray Huis 6:39 Referans Kwoze

Genesis 18:32

Inkuanen Abraham, “Ag ka komun mamapasnuk, Katawan, ta mikasi ak nin maminsan. No bilang ta samsamploray narumog diman a matonung?” Inmebat, “No walay samplora, ag ko deralen lapud sikara.”

Isaias 50:2

“Akin et ag inmebat iray totook nen linma ak a mangilaban ed sikara? Akin et ag ira inmebat nen tinmawag ak? Makapoy ak ta a mangilaban ed sikara? Diad sakey a ganggan ko napaekat koy dayat tan magmaliw a kalawakan iray ilog, et ompatey iray sirad man lapud kakulangay danum.

Mateo 21:43

“Kanyan kuankod sikayo: naekal ed sikayoy Panariay Dios tan niiter ed saray totoon mamapaway na manepeg iran bunga.”

Saray Gawgawa 13:46

Balet lalon tinmepel so linawa di Pablo tan Bernabe a nampulong. Inkuanda, “Nepeg a sikayoy onaan a pangipulongay salitay Dios. Balet lapud ag yo awaten, tan sisintinsiaan yoy sikayon dili ya ag kayo manepeg a makagamur na bilay ya andi-anggaan, taynan mi kayo tan onla kami lad saray Hintil.

Mateo 8:12

Balet saray nepeg day walad Panarian et nibantak irad paway ya ambilbilonget, tan diman ira onakis tan onngayet iray ngipen da.”

Saray Gawgawa 28:28

Inkuanen Pablo ed kaonuran, “Nepeg yon amtaen a nipulong lad saray Hintil yan balita a nipaakar ed pangilabay Dios. Ondengel ira!”

Saray Gawgawa 22:21

Balet inkuan na Katawan, ‘Laka la, ta ibaki ta kad arawidiad kawalaan da ray Hintil.’”

Saray Huis 6:38

Onung na inilaloan nen Gedeon, onman so agawa. Kabangon nen Gedeon ed ontombuk a kabwasan, pinespes to may lanan abel, tan akapangisalur na sakey a losur a linaew.

Saray Huis 6:40

Onung na kinerew nen Gedeon, onman so ginawa na Dios ed saman a labi. Kasabiy kabwasan amaga may lana, balet ambasad linaew so dalin.

Genesis 18:30

Inkuanen Abraham, “Ag ka komun mamapasnuk, Katawan, ta mansalita ak lamet. No bilang ta talomplo ra, deralen mo ni?” Inmebat, “No walad may talomplo, ag ko deralen lapud sikara.”