Saray Huis 6:34 - Maung A Balita Biblia

³⁴ Inoleyan na ispiritu na Katawan si Gedeon, et pinaknul toy trumpita a panawag ton ontombuk ed sikato iray lalakin kabyangay boleg nen Abiezer.

Maung a Balita Biblia

³⁴ Inoleyan na ispiritu na Katawan si Gedeon, et pinaknul toy trumpita a panawag ton ontombuk ed sikato iray lalakin kabyangay boleg nen Abiezer.

Saray Huis 6:34 Referans Kwoze

2 Saray Awaran 24:20

Insan say ispiritu na Dios linmoob ed kinen Zacarias a lakin anak nen Joiada a pari. Nanalagey ed sakey a pasen a nanengneng na saray totoo tan inkulyaot to, “Tetepeten ed sikayo na Katawan a Dios no akin et sinumlang yo ray ganggan to tan ipepelag yod sikayon dili so deral! Inkaindan yoy Katawan kanyan inkaindan to kayo!”

1 Saray Awaran 12:18

Linmoob so Ispiritu na Dios ed sakey ed sikara, si Amasai, a diad arapen a panaon et nagmaliw a pangulo na “Saray Talomplo,” tan inkuanen Amasai, “Kayaryan tan kagampi mo kami, David ya anak nen Jesse! Aligwas so nagamuran mo tan saray ontulong ed sika! Ta say Dios so katambayan mo.” Maliket si David ya angawat ed sikara tan ginagawa to ran opisyal na saray sondalo to.

Saray Huis 3:27

Nen sinmabid man ed kapokdulan na Efraim, pinaknul toy trumpita a panawag ton mibakal iray lalakin Israelita; impangulo to ran inmakseb a nanlapud saray kapokdulan.

Saray Huis 3:10

Linmoob ed sikato so ispiritu na Katawan, tan nagmaliw a pangulo da ray Israelita. Akibakal si Otniel, et impanalo na Katawan ed ari na Mesopotamia.

Saray Taga Roma 13:14

Balet panoleyen yo lan sigput ed bilay yo so Katawan a Jesu-Cristo, tan ibeneg yo lay makasalanan ya inkatoo yo, pian ag yo la nagawaay labay to.

TAGA GALACIA 3:27

Ta amin yon abinyagan ya akikasakey ed Cristo, pinaloob yod bilay yo si Cristo.

Saray Salmo 51:11

Ag mo ak pa patataynanen ed arap mo; ag mo pa eekalen ed siak so masanton ispiritum.

1 Samuel 16:14

Tinaynan na ispiritu na Katawan si Saul, tan pinairap na sakey a ispiritun maoges ya imbakiy Katawan.

1 Samuel 11:6

Nen nadngel ya nen Saul, linmoob ed sikato so ispiritu na Dios tan pinmetang a maung so olo to.

1 Samuel 10:6

Biglad satan ya onloob ed sika so ispiritu na Katawan; mikasakey kan manggawa na gagawaen da, tan magmaliw kan doma a too.

Saray Huis 15:14

Kasabiy tod Lehi, mambabtik a dinmagod sikato iray Filisteo tan ineeyagan da. Kabebekta pinabiskeg na ispiritu na Katawan, et pinopoltut ton singa apoolan a tinebey ira may lobir ya akabalur ed saray taklay to.

Saray Huis 14:19

Kabebekta pinabiskeg na ispiritu na Katawan si Samson, et linmad Askelon a dimay amateyan toy talomplon lalaki tan inaala to ray kawes da, insan to ra inter ed saramay akaebat na pabitla to. Kayari to, sinmempet a mapalaloy petang na olo to lapud samay agawa.

Saray Huis 13:25

Ginapwan na ispiritu na Katawan a pabiskegen si Samson legan a walad nanleetan na Zora tan Estaol diad Kampo nen Dan.

Saray Huis 8:2

Balet inkuantod sikara, “Say agawaan ko et ag nayarin ipara ed ginawa yo. Say anggan melag ya agawaan yo, sikayon lalaki ed Efraim, et maung ni nen say agawaan na amin a kabyangan na boleg ko.

Saray Huis 6:11

Insan linmad patar na Ofra imay anghil na Katawan tan inmirung ed silong na kiew a robli a kayaryan nen Joas a lakin kabyangan na boleg nen Abiezer. Inmamut a maniilik na trigo ed pespesan na alak si Gedeon a lakin anak nen Joas, pian ag nanengneng na saray Madianita.

Josue 17:2

Say dalin a walad bandad sagur na Jordan et nipabetang ed kindi Abiezer, Helec, Asriel, Sikem, Hefer, tan Semida a sikaray arum a kabyangay boleg nen Manases a lakin anak nen Jose tan sikaray pangulo na pamilya ra.

Saray Bilang 10:3

No mambansag a napaknul na andokey iray trumpita, mantitipon ed kawalaan mo iray amin a totoo diad lolooban na Tuldan Ayaman ko.

1 Samuel 13:3

Pinatey nen Jonatan so pangulo na saray sondalo na Filistia a walad Geba, tan amin da ray Filisteo et nadngelan da yan agawa. Insan angibakiy Saul na saray managtrumpita tan linma ran nampapaknul na trumpita diad intiron bansa. Say kabaliksan to ya say panawag tod saray Hebreo a mibakal.

1 Saray Awaran 12:19

Wala ray pigaran sondalon kabyangay tribu nen Manases ya akigampi rad kinen David nen linman mibakal a kaiba to ray Filisteo ed kinen Ari Saul. Diad tuay tua si David ag to tinulongan iray Filisteo, ta pinapawil na saray pangulo ra lapud mapaga ra ompan mantraidor tan migampid Saul a gendat a pangulo to.