Saray Huis 6:31 - Maung A Balita Biblia

³¹ Balet inkuanen Joas ed amin da may totoon dinmagod sikato, “Itatalindeg yoy Baal? Iyaagel yo? Napatey so siopaman a mangitalindeg ed sikato kasakbayan ya onsabiy kabwasan. No tuan dios si Baal, paolyan yon iyagel toy sikaton dili. Say altar to so ageba.”

Maung a Balita Biblia

³¹ Balet inkuanen Joas ed amin da may totoon dinmagod sikato, Itatalindeg yoy Baal? Iyaagel yo? Napatey so siopaman a mangitalindeg ed sikato kasakbayan ya onsabiy kabwasan. No tuan dios si Baal, paolyan yon iyagel toy sikaton dili. Say altar to so ageba.

Saray Huis 6:31 Referans Kwoze

TAGA-EFESO 5:11

Ag kayo mibabalid andi-kakanaan iran gagawaen na totoon walad bilonget, no ag ingen iparontal yo rad silew.

1 CORINTO 8:4

Kanyan nipaakar ed pangay kakanen a nibagat ed saray talintaoy diriyos: amta tayon anggapoy kabaliksan na talintaoy dios; kabat tayon saksakey labat so Dios.

Jeremias 10:11

Sikayo ran totoo nepeg yon ibagad sikara a saray diriyos ya ag da ginawa so tawen tan dalin, et naderal ira. Naandi ra ed anggan iner a pasen diad tapew na dalin.)

Jeremias 10:5

Saratan a talintaoy diriyos et singa ra totoon panagabul na saray manok ed katrigowan; tan ag ira makasalita; nakaukolan a sakbaten ira ta ag ira makaakar. Ag kayo natatakot ed sikara: ag da kayo nayarin pasakitan, tan anggapoy niiter dad sikayon kaabigan.”

Isaias 46:7

Sasakbaten tan aawiten da; ililira rad sakey a pasen, tan manalagey diman, ag makaalis ed kawalaan to. No walay mampikasi ed sikato ag makaebat odino makapangilaban ed gunigon to.

Isaias 46:1

“Sikato la yay anggaan na saray diriyos na Babilonia! Nen saman inggalang na saray totoo si Bel tan Nebo, balet natan akalogan irad beneg na asno, makabelbelat irad saray naksawan lan ayayep.

Isaias 41:23

Ibaga yod sikami no antoy nagawad arapen— pian nabirbiran mi a diriyos kayo! Manggawa kayoy antokaman a kamaungan odino antokaman a deral, et diad ontan ontakot tan onkelaw kami!

1 Saray Arari 18:40

Ingganggan nen Elias, “Erel yo ray propita nen Baal; ag kayo mamapabatik na anggan sakey ed sikara!” Inerel da ra, insan inyakar nen Elias iran amin ed Kolus na Kison tan diman to ra pinapatey.

1 Saray Arari 18:29

Nanlalabir-labir tan naneeyag-eyag ira ya anggad onngangarem la; balet anggapoy ebat, anggapoy anggan narengel a tanul.

1 Saray Arari 18:27

Nen kaagewan la ginapwan nen Elias a lureyen ira, “Ikasil yoy mampikasi! Sikatoy sakey a dios! Ompano mankokogip, odino mampapainawa, odino walay nila to! Odino ompan nanaogip, kanyan nepeg yon bangonen!”

Saray Bilang 14:6

Et si Josue ya anak nen Nun tan si Caleb ya anak nen Jefone a kabyangan irad saramay ispia pinipilat day kawes da diad pangipanengneng day ermen da

Exodo 23:2

Ag kayo mibibiang ed saray karaklan no maoges so gagawaen da, o no mantasi ra na tila diad pamikewret dad katonungan.

Saray Huis 6:30

Insan da inkuan ed kinen Joas, “Ipaway mo diay anak mo ta pateyen mi! Inggeba toy altar a para Baal tan say tanda nen Asera a walad kaabay to.”

Saray Huis 6:32

Nanlapud saman, atawag si Gedeon a Jerubaal, lapud inkuanen Joas, “Paolyan yon iyagel nen Baal so sikaton dili; say altar to so ageba.”

1 Samuel 12:11

Imbaki na Katawan si Gideon, insan si Barak, insan si Jefte, insan siak. Balang sakey ed sikami inyagel mi kayod saray kalaban yo, tan niarawi kayod kaatapan.