Saray Huis 6:24 - Maung A Balita Biblia

²⁴ Amaalagey diman si Gedeon na altar a para Katawan tan inngaran to na “Kareenan so Katawan.” (Anggad natan, sayan altar et manalalagey nid man ed Ofra a kayaryan na boleg nen Abiezer.)

Maung a Balita Biblia

²⁴ Amaalagey diman si Gedeon na altar a para Katawan tan inngaran to na Kareenan so Katawan. (Anggad natan, sayan altar et manalalagey nid man ed Ofra a kayaryan na boleg nen Abiezer.)

Saray Huis 6:24 Referans Kwoze

Exodo 17:15

Amaalagey na altar si Moises tan tinawag to na “Say Katawan so Bandirak.”

Genesis 22:14

Inngaran nen Abraham iman a pasen na “Say Katawan so Mangiter.” Tan anggad natan, ibabalikas na totoo, “Mangiter so Katawan diad palandey to.”

Saray Huis 8:32

Masikesiken lay Gedeon a lakin anak nen Joas nen inatey tan nipompon ed lobuk nen ama to a Joas, diad Ofra a baley na boleg nen Abiezer.

Ezekiel 48:35

Say intiron karokey na samay padir diad apatiran dapag et siam a libo, walon lasus tan walomplon mitro. Manlapud natan say nepeg a ngaran na siudad et “Wadya-so Katawan!”

Jeremias 23:6

No sikato so ari, arawid kaatapan iray totood Juda, tan mambilay ed kareenan iray totood Israel. Natawag na, ‘Say Katawan a Kilalaban tayo.’

Jeremias 33:16

Niagel tan mambilay ya arawid kaatapan iray totood Juda tan Jerusalem. Say siudad natawag na ‘Say Katawan a Kilalaban Tayo.’

Saray Huis 21:4

Diad kabkabwasan na ontombuk ya agew binmangon ira may totoo tan amaalagey irad man na altar. Angisaklang ira na saray bagat a popoolan tan saray bagat a para kareenan.

Josue 22:10

Nen saray totood tribu di Ruben, Gad, tan kapalduay Manases et akasabi ra ed Gelilot, a sakop ni na sagur na Jordan, amaalagey ira na balbaleg ya altar diad gilig na ilog.

Genesis 33:20

Nanggawad may sakey ya altar tan nginaranan to para El, say Dios na Israel.

Saray Bilang 26:30

saray boleg di Jezer, Helek,

Saray Huis 6:23

Balet say Katawan kuantod sikato, “Mandeen ka. Ag ka natatakot. Ag ka ompatey.”

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 12:8

Insan tinmuloy ed bandad abalaten diad nipokdul a pasen a nibokig na Betel, tan nankampod nanleetan na Betel tan Hai diad bokig. Nanggawa met diman na altar tan inggalang toy Katawan.

Saray Huis 8:27

Ginawa nen Gedeon a talintao imay balituk, insan to inyan ed baley ton Ofra. Imbeneg na amin da ray Israelita so Dios tan linma rad man ya angigalang ed samay talintao. Sakey iman a patit ed kinen Gedeon tan say pamilya to.

1 Samuel 7:17

Insan ompawil ed abung tod Rama, tan diman met nanlingkur a sakey a huis. Amaalagey diman na altar ed Katawan.

1 Samuel 14:35

Nanggaway Saul na altar ed Katawan; sayan altar so ononan ginawa to.

2 Samuel 24:25

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Inebatan na Katawan so pikakasi to, kanyan tinmonda so salot ed Israel.

1 Saray Arari 18:32

Inkana nen Elias ira yan bato diad impangapiger tod samay altar a pangigalangan ed Katawan. Angotkot na banawang ed kaliber-liber na altar, a nayarin mankarga na apatiran galon a danum diad kinabaleg to.

Esdras 3:2

Si Josue a lakin anak nen Josadac, saray kapara ton papari, tan si Zorobabel a lakin anak nen Salatiel tan saray kakanayon to et impaalagey da lamet so altar a para Dios na Israel, pian napampoolan da na saray bagat onung na nisulat ed Ganggan nen Moises a too na Dios.