Saray Huis 6:23 - Maung A Balita Biblia

²³ Balet say Katawan kuantod sikato, “Mandeen ka. Ag ka natatakot. Ag ka ompatey.”

Maung a Balita Biblia

²³ Balet say Katawan kuantod sikato, Mandeen ka. Ag ka natatakot. Ag ka ompatey.

Saray Huis 6:23 Referans Kwoze

Daniel 10:19

Inkuanto, “Inaro ka na Dios, kanyan ag ka natatakot no ag ingen mandeen ka tan pabiskeg moy linawam.” Kayari ton nansalita, lalon binmiskeg ak tan inkuanko, “Ibagam ed siak so labay mon ibaga. Pinabiskeg mo ak?”

Juan 20:26

Kayariy waloy agew, nantitipon lamet ed loob na abung iray disipulo to. Kaiba ra lay Tomas. Akatalak iray puirta, balet linmoob si Jesus tan nanalagey ed pegley da. Inkuanto, “Say kareenan komun so walad sikayo!”

Genesis 43:23

Inkuanto may aripen, “Ag kayo mapaga. Ag kayo natatakot. Angangko say Dios yo, say Dios na ama yo, so angipawil na kuarta yo. Inawat kod saman so bayar yo.” Insan inyakar tod sikara si Simeon.

Juan 20:19

Diad labi to man ya agew na Simba, nantitipon iray disipulo. Akatalak iray puirtay abung a nantitiponan da, lapud takot dad saray Judio. Sinmabiy Jesus tan nanalagey ed pegley da. Inkuantod sikara, “Say kareenan komun so walad sikayo!”

Juan 14:27

“Itilak kod sikayoy kareenan; say kareenan kon dili so iter kod sikayo. Aliwan singa panangiter na sankamundoan so pangiter kod sikayo. Ag komun nagunigon tan ontakot so puso yo.

Saray Salmo 85:8

Onderengel ak ed ibabagay Dios a Katawan; isisipan toy kareenan ed sikatayon dilin totoo to, no ag ti la pawilen so kaogsan tayo.

Genesis 32:30

Inkuanen Jacob, “Anengneng koy Dios ed lupa-lupaan, et mabilay ak ni”; kanyan inngaran toy Peniel iman a pasen.

Saray Taga Roma 1:7

Kanyan susulaten ta kayo, amin yon wadtad Roma ya inararoy Dios tan tinawag ton magmaliw a totoo to: Itdan kayo komun na Dios ya Ama tayo tan say Katawan tayo a Jesu-Cristo na bindision tan kareenan.

Saray Huis 6:22

Diad saya abirbir nen Gedeon ya anghil na Katawan imay anengneng to, kanyan natatakot a kuanto, “Katawan a Dios, anengneng kod lupa-lupaan so anghil mo!”

Saray Huis 6:24

Amaalagey diman si Gedeon na altar a para Katawan tan inngaran to na “Kareenan so Katawan.” (Anggad natan, sayan altar et manalalagey nid man ed Ofra a kayaryan na boleg nen Abiezer.)

Saray Huis 19:20

Inkuan na samay masiken, “Tuloy kayod abung ko! Asikasoen ta kayo; aliwan manepeg a mamalabas kayoy labi diad plasa.”

Genesis 32:31

Pinmaway lay agew nen ontataynan lay Jacob manlapud Peniel; mankitley lapud samay tapi to.