Saray Huis 6:21 - Maung A Balita Biblia

²¹ Inyonat na samay anghil na Katawan so lima to, insan to indiwit so ngoroy bislak a sankabembenan to ed saramay karni tan tinapay. Pinmaway so apoy ed samay bato tan inoput ton pinoolan ira may karni tan tinapay. Insan naandipat imay anghil.

Maung a Balita Biblia

²¹ Inyonat na samay anghil na Katawan so lima to, insan to indiwit so ngoroy bislak a sankabembenan to ed saramay karni tan tinapay. Pinmaway so apoy ed samay bato tan inoput ton pinoolan ira may karni tan tinapay. Insan naandipat imay anghil.

Saray Huis 6:21 Referans Kwoze

Levitico 9:24

Kabebekta say Katawan angipelag na apoy, tan inoput ton pinoolan imay bagat a popoolan tan saramay taba ed tapew na altar. Nen anengneng ya na saray totoo, inmeyag iran amin tan dinmakmomo ra ya anggad dalin.

2 Saray Awaran 7:1

Nen asumpal nen Solomon so pikakasi to, pinmelag a nanlapud tawen so apoy tan pinoolan to ray bagat ya insasaklang. Insan say Timplo napno na kagalangan na Katawan.

1 Saray Arari 18:38

Angipelag na apoy so Katawan, tan pinoolan to may bagat, saramay kiew, tan saramay bato, tan tinektek toy dalin tan pinamaga to may banawang a kawalaay danum.

1 Saray Awaran 21:26

Insan nanggaway altar a para Katawan tan angisaklang na saray bagat a popoolan tan saray bagat a para kareenan. Nampikasi, et inebatan na Katawan diad panamegley na impangibaki toy apoy a nanlapud tawen ya amool ed saramay imbagat ed tapew na altar.

Saray Huis 13:20

Legan a mamapaatagey manlapud samay altar so apoy, anengneng Manoa tan samay asawa to imay anghil na Katawan dimad apoy a nampaatagey ed tawen. Abirbir ed satan nen Manoa a samay laki et anghil na Katawan, kanyan tinmikleb iran duad dalin nen asawa to. Ag da lan balut anengneng imay anghil.

Saray Huis 6:20

Inkuan na samay anghil na Dios ed sikato, “Itapew mod sayan baleg a bato itay karni tan saray tinapay, insan mo ikalbod sikara so sabaw.” Ginawa nen Gedeon imay imbaga na anghil.

Saray Huis 13:19

Kanyan angalay sakey a kilaw na kanding si Manoa tan daiset a trigo, insan diad baton-dampay ya altar insaklang to ra a para Katawan a manggagawa na saray pakelaw.

Isaias 38:7

Inmebat si Isaias, “Say Katawan itdan to ka na sakey a tanda a mamaneknek a sumpalen toy sipan to.