Saray Huis 6:15 - Maung A Balita Biblia

¹⁵ Inmebat si Gedeon, “Balet, Katawan, panoy pakapangiliktar kod Israel? Sankaleteyan so boleg ko ed saray boleg na tribu nen Manases, tan siak so saginonur ed amin da ray kabyangay kawalaan kon pamilya.”

Maung a Balita Biblia

¹⁵ Inmebat si Gedeon, Balet, Katawan, panoy pakapangiliktar kod Israel? Sankaleteyan so boleg ko ed saray boleg na tribu nen Manases, tan siak so saginonur ed amin da ray kabyangay kawalaan kon pamilya.

Saray Huis 6:15 Referans Kwoze

1 Samuel 9:21

Inmebat si Saul, “Kabyangan ak na tribu nen Benjamin, say sankamelagan a tribu ed Israel, tan say pamilyak et sankamugmoan ed tribu. Akin, sirin, et onyay ibabagam ed siak?”

Exodo 3:11

Balet si Moises inkuantod Dios, “Siopa ak ya onarap ed ari tan mangipaway ed Egipto na saray Israelita?”

Exodo 4:10

Balet si Moises inkuanto, “Katawan, gendat ya aliwa ak a marunong a mansalita, tan onya ak ni, anggaman ya akitongtong ka lad siak. Makapoy ak a mansalita tan ata-ata ak.”

Jeremias 1:6

Insan ko inkuan, “Katawan a Dios, ag ko amtay mansalita; ogaogaw ak ni.”

TAGA-EFESO 3:8

Sankaabebaan so kipapasen ko ed amin da ray totooy Dios; anggaman ontan, inter na Dios ed siak yan kimey a mangipulong ed saray Hintil na Maung a Balitan nipaakar ed ag nabilang a kayamanan nen Cristo,

1 CORINTO 15:9

ta sankaabebaan ak ed saray apostol, ag ak ingen manepeg a tawagey apostol, ta pinapairap koy iglisia na Dios.

Lucas 1:34

Inkuanen Maria ed samay anghil, “Panon yan nagawa, anta sakey ak a birhin?”

Mikias 5:2

Say Katawan kuanto, “Betlehem Efrata, sakey ka ed saray ankekelag a baley na Juda, balet sika so panlapwan na sakey a manoley ed Israel, a say sengeg na pamilya to et natonton ed saray inmona-ona ran panaon.”

Jeremias 50:45

Kanyan dengel kayod siak a Katawan, dengel yoy implanok sumpad saray taga siudad na Babilonia, tan say ginetmak a gawaen ed saray totoo to. Nagayugoy iray anggan ankekelag ya anak da, tan natalagnaw so balang too.

1 Samuel 18:23

Kanyan imbaga da ya ed kinen David, tan inmebat, “Baleg a kagalangan so magmaliw a manugang na ari, baleg a tuloy ed sakey a mairap-bilay tan abebad kipapasen a singa siak.”

Genesis 32:10

O matoor a Katawan, ag ak manepeg a mangawat na panangarom tan panangasim ya impatnag mod siak a mapaabeban aripen mo. Binaliw koy Jordan ya anggapoy awit ko no ag say baston labat, balet natan pinmawil ak a kaibak ira yan duaran olup.

Saray Huis 6:11

Insan linmad patar na Ofra imay anghil na Katawan tan inmirung ed silong na kiew a robli a kayaryan nen Joas a lakin kabyangan na boleg nen Abiezer. Inmamut a maniilik na trigo ed pespesan na alak si Gedeon a lakin anak nen Joas, pian ag nanengneng na saray Madianita.