Saray Huis 5:31 - Maung A Balita Biblia

³¹ Ontan pa komun so ipatey na amin a kalaban mo, O Katawan, balet onsinag komun a singa ombubutay ya agew iray kakaarom! Insan nanarin apataploy taon so kareenan ed dalin.

Maung a Balita Biblia

³¹ Ontan pa komun so ipatey na amin a kalaban mo, O Katawan, balet onsinag komun a singa ombubutay ya agew iray kakaarom! Insan nanarin apataploy taon so kareenan ed dalin.

Saray Huis 5:31 Referans Kwoze

Saray Salmo 37:6

say inkatonung mo pasinagen ton singa agew ed kaagwan.

2 Samuel 23:4

et singa agew ya onsisindag ed kabwasan ya anggapoy lorem, say agew a mamapasileng na karikaan kayariy oran.”

1 Pedro 1:8

Anggaman ya ag yo anengneng, aaroen yo. Anggaman ya ag yo nanenengneng natan, manisia kayod sikato. Kanyan manlepwad puso yoy baleg a liket ya ag nayarin ibalikas,

Santiago 1:12

Maliket so toon mansiansian matoor anggaman a wala ray subsubok ya onsabid sikato, ta no nilabas to ra awaten toy tumang, salanti say bilay ya insipay Dios ed saray mangaarod sikato.

1 CORINTO 8:3

Balet kabat na Dios so toon mangaarod sikato.

Daniel 12:3

Onsinag a singa liwaway tawen iray makabat a pangulo. Ontan met, saray ananggoyur ed saray amayamay a totoo diad panggawa ray inkatonung et anggad anggan onsinag iran singa saray bitewen.”

Saray Salmo 91:14

Kuay Dios, “Ilaban ko ray mangaarod siak, tan iyagel ko ray mamibirbir ed siak a Katawan.

Saray Salmo 89:36

Nawalaan lawas na saray kabyangay boleg to, tan daput onsisinag so agew asikasoen koy nanarian to.

Santiago 2:5

Dengel kayo, inararok iran agagi! Ag ta say Dios pinili to ray mairap-bilay ed tapew na dalin ya onyaman ed pananisia tan manawir ed Panarian ya insipan tod saray mangaarod sikato?

Saray Taga Roma 8:28

Amta tayo a diad amin a bengatla gagawaen na Dios so pankaabigan na amin da ray mangaarod sikato, a salanti saray tinawag na Dios onung ed linawa to.

Mateo 13:43

Balet saray totooy Dios onsinag ira a singa agew ed Panariay Ama ra. Dengel kayo sirin, sikayo ran walay layag!”

Oseas 6:3

Salien tayon amtaen so Katawan. Andi-saew ya onsabid sikatayo so Katawan a singa ibubutay na agew no kabwasan, odino singa ipepelag na oran ed tapew na dalin no panaoy nepnep.”

Probirbio 4:18

Say dalan a pankukurangan da ray totoon matonung et singa ombubutay ya agew ya onliliwawa lan onliliwawa ya anggad maliwliwawa la.

Saray Salmo 97:10

Inaro na Katawan iray mamobosul na kaogsan; iyaagel toy bilay na saray totoo to, ilalaban to rad pakayari da ray totoon maoges.

Saray Huis 3:11

Nanoley so kareenan ed Israel na apataploy taon, insan inatey si Otniel.

Saray Salmo 97:8

Manggagayaga iray totood Sion, tan manliliket iray totood siudad na Juda lapud pananintinsiam, O Katawan.

Saray Salmo 92:9

Amta mi ya ompatey iray kalaban mo, tan natalo ya amin iray totoon maoges.

Saray Huis 3:30

Diad saman ya agew tinalo na saray Israelita so Moab, tan walomplon taon a nanarid dalin na Israel so kareenan.

Deuteronomio 6:5

Aro yo so Katawan a Dios yo ed intiron puso yo, intiron kamarerwa yo, tan intiron biskeg yo.

Exodo 20:6

Balet aroen ko ray nilibon kailalakan na saray mangarod siak tan mangonur na saray ganggan ko.

Puyan 18:20

Manliket ka, O tawen, ta aderal la! Manliket kayo, sikayo ran totoon piniliy Dios, sikayo ran apostol, tan sikayo ran propita! Ta sinintinsiaan la na Dios lapud ginagawa tod sikayo!

Puyan 6:10

Ineyag day makmaksil, “Katawan a Makapanyarin-amin, masanto tan matwa! Panoy kabayag mi nin manalagar ed panintinsiam ed saray katoowan diad tapew na dalin tan say panusam ed sikara lapud impamapatey dad sikami?”

TAGA-EFESO 6:24

Nawalaan kayo komuy bindisioy Dios, amin yon say panangaro yod Katawan tayon Jesu-Cristo et ag ompatey.

Puyan 1:16

Sankabembenan toy pitoran bitewen ed kawanan a lima to, tan ompapaway ed sangi toy sakey a matdem ya ispadan nantopag so tarem. Say lupa to singa liwaway agew ed kaptangan.

2 Samuel 18:31

Insan sinmabi may aripen a Cusita tan kuantod ari, “Walay maung ya ibalitak ed sika, Kagalang kon Ari! Natad sayan agew initdan kay Katawan na pananalo ed amin da ray sinmumpad sika!”

Saray Salmo 89:37

Ag manganggan singa bulan so nanarian to, say bulan a matoor a tasid tawen.”

Deuteronomio 7:9

Ag yo lilingwanan a say Katawan a Dios yo et bukor toy Dios tan sikatoy matoor. Tooren toy impisipanan to tan ag mangoman so panangaro tod saray nilibon kailalakan na saray mangarod sikato tan saray matoluk ed saray ganggan to,

2 Samuel 18:32

“Maung so kipapasen na malangwer a lakin si Absalom?” tepet na ari. Inmebat imay aripen, “Maung komun a say agawad sikato et nagawa met ed amin da ray kalaban mo, tan amin ya onsumpad sika.”

Saray Salmo 19:6

Ompapaway ed sakey a dapag na tawen ombebeltang ya onlad sananey a dapag. Ag naliktaran so petang to.

Saray Salmo 20:8

Natumba tan napelag ira yan totoo, balet ombangon tan mabisbiskeg itayon onalagey.

Saray Salmo 92:10

Pinabiskeg mo ak a singa kalakyan a bakad katakelan; binindisionan mo ak na liket.