Saray Huis 5:23 - Maung A Balita Biblia

²³ “Isamba yoy dalin na Meroz,” kuay anghil na Katawan. “Isamba yo, isamba yo iray manaayam diman. Ag ira sinmabin ontulong ed Katawan, sinmabi ran sondalo a mibakal ed saray kalaban to.”

Maung a Balita Biblia

²³ Isamba yoy dalin na Meroz, kuay anghil na Katawan. Isamba yo, isamba yo iray manaayam diman. Ag ira sinmabin ontulong ed Katawan, sinmabi ran sondalo a mibakal ed saray kalaban to.

Saray Huis 5:23 Referans Kwoze

2 CORINTO 6:1

Ontutulong kamid kimey na Dios, kanyan kekerewen mid sikayo ya ag yo dadaraken so baleg a panangaron inawat yod sikato.

1 CORINTO 16:22

Naayew so siopaman ya ag mangaarod Katawan! Marana tha—Katawan mi, onsabi ka la komun!

1 CORINTO 3:9

Nampapara kamin kumikimey na Dios, tan sikayoy alog to. Sikayo met so paalagey na Dios.

Saray Taga Roma 15:18

Balet say nayarian ko labat a bitlaen et say ginawa nen Cristo diad panamegley ko, a salanti say impangiwanwan kod saray Hintil a mangonur irad Dios diad panamegley na saray salitak tan gawak,

Mateo 25:41

“Insan ikuantod saray walad nikawigi to, ‘Arawi kayod siak, sikayo ran insambay Dios! Lakayod apoy ya andi-anggaan a niparaan ed Diablo tan saray anghil to!

Jeremias 48:10

Nisamba so toon ag mankolin mankimey para Katawan! Nisamba so toon ag to ikakanay ispada tod pampatey!)

Nehemias 3:5

Impaalagey na saray lalakid Tecoa so onsoblay a soldung na padir, balet saray manonan lalakid baley et ag tinmoluk ed saray makaoley ya angibagad sikaran mankimey.

1 Samuel 26:19

Dengel mo pay ibagak, O ari. No say Katawan so anagdag ed sika a sumpaen mo ak, sakey a bagat komuy makaoman na kanunutan to; balet no totooy anagdag, isamba ra komun na Katawan. Pinataynan da ak manlapud dalin na Katawan tan apasoot ak a manayam ed sakey a bansa a saray diriyos to labat so nayarian kon igalang.

1 Samuel 25:28

Pirdona mo ak pa, no wala bilang so maoges a ginawak. Say Katawan gawaen to kan ari, tan anggan saray kabyangay boleg mo, ta milalaban kad saray bakal na Katawan; ag ka manggaway kaogsan legay pambilay mo.

1 Samuel 18:17

Insan inkuanen Saul ed kinen David, “Niay Merab, say anak kon sankapangulowanan a bii. Iter kod sikan asawaen mo, dapot no masebeg tan matoor kan sondalo a manlingkur ed siak, tan milaban kad saray bakal na Katawan.” (Ginawa ya nen Saul, ta abaloan ton diad onya napatey na saray Filisteo si David, et aliwa lan sikaton dili so mamatey.)

1 Samuel 17:47

tan nanengneng na amin da ray wadya ya ag to nakaukolay ispada o pika diad pangyagel tod saray totoo to. Sikatoy mananalo ed bakal, tan ipasilong to kayod pakayari mi.”

Saray Huis 13:3

Pinmanengneng so anghil na Katawan ed asawa nen Manoa tan kuanto, “Lepes ka, balet ag mabayag manlokun ka tan mananak kay sakey a laki.

Saray Huis 6:11

Insan linmad patar na Ofra imay anghil na Katawan tan inmirung ed silong na kiew a robli a kayaryan nen Joas a lakin kabyangan na boleg nen Abiezer. Inmamut a maniilik na trigo ed pespesan na alak si Gedeon a lakin anak nen Joas, pian ag nanengneng na saray Madianita.

Saray Huis 4:6

Aminsan ya agew impaawit toy Barac a lakin anak nen Abinoam a taga siudad na Kedes na Neftali tan kuantod sikato, “Say Katawan a Dios na Israel et inter tod sika yan ganggan: ‘Mangala kay samplon libon lalaki ed saray tribu di Neftali tan Zabulon tan ipangulom iran onlad Palandey na Tabor.

Saray Huis 2:1

Manlapud Gilgal say anghil na Katawan linmad Bokim tan kuantod saray Israelita, “Impaway ta kayod Egipto tan inyakar ta kayod dalin ya insipan kod saray atateng yo. Inkuanko, ‘Ag kon balut deralen so impisipanan kod sikayo.

Saray Huis 5:13

Insan saray matoor ya Israelita et linma ran namparontal ed saray pangulo ra; saray totooy Katawan dinmago rad sikato a sipaparaan iran mibakal.

Saray Huis 21:5

Tinepet da, “Walay grupo ed amin da ray tribu na Israel ya ag akitipon ed arap na Katawan diad Mizpa?” (Sinambaan da nen saman a siopamay ag linmad Mizpa et nepeg a pateyen).

Saray Huis 8:5

Kasabi rad Sukot, inkuantod saray totood baley, “Itdan yo pay tinapay ira yay totook. Makapkapoy la ra, et oosilan ko ra di Zeba tan Zalmuna ya arari na saray Madianita.”

Saray Huis 8:6

Balet inkuan na saray pangulo da ray taga Sukot, “Akin et itdan mi na nakan iray sondalom? Adakep yo la sirin ira di Zeba tan Zalmuna?”

Saray Huis 8:8

Tinmuloy ed Penuel si Gedeon tan akikerew met diman na tinapay ed saray totoo, balet say ebat ed sikara na saray totood man et singa samay ebat na saray totood Sukot.

Saray Huis 21:8

Nen tinepet da no wala kasiy grupo ed saray tribu na Israel ya ag akitipon ed Mizpa, naamtaan da ya anggapoy taga Jabes na Galaad ya akitipon diman;

Saray Salmo 94:16

Siopay angitalindeg ed siak ed saray totoon maoges? Siopay angibad siak diad insumlang kod saray managgaway kaogsan?