Saray Huis 5:18 - Maung A Balita Biblia

¹⁸ Balet saray totoo di Zabulon tan Neftali imposta ray bilay dad bakalan.

Maung a Balita Biblia

¹⁸ Balet saray totoo di Zabulon tan Neftali imposta ray bilay dad bakalan.

Saray Huis 5:18 Referans Kwoze

Saray Huis 4:10

Tinawag diman nen Barac iray kabyangay tribu di Zabulon tan Neftali, tan tinmombuk ed sikato iray samplon libon lalaki. Akilad sikato si Debora.

Saray Huis 4:6

Aminsan ya agew impaawit toy Barac a lakin anak nen Abinoam a taga siudad na Kedes na Neftali tan kuantod sikato, “Say Katawan a Dios na Israel et inter tod sika yan ganggan: ‘Mangala kay samplon libon lalaki ed saray tribu di Neftali tan Zabulon tan ipangulom iran onlad Palandey na Tabor.

Puyan 12:11

Tinaloy agagi tayo so Diablo, diad panamegley na dala na Kordiro tan diad panamegley na impantasi rad katwaan; ag da kinawanay bilay da tan nilabay day anggan ompatey.

1 Juan 3:16

Onyay pakaamta tayoy kabaliksan na aro: inter nen Cristo so bilay to para sikatayo. Nepeg tayo met sirin ya iter so bilay tayo para saray agagi tayo!

Saray Gawgawa 20:24

Balet ipapasen kon anggapoy kuinta so bilay ko, dapot nasumpal koy kimey ko tan say inter na Katawan a Jesus a gawaen ko, salanti, say pampulong koy Maung a Balitan nipaakar ed baleg a panangaroy Dios.

Ester 4:16

“Laka, ta pantitipon mo ray amin a Judion walad Susa; manayuno kayo tan mampikasi kayon para siak. Ag kayo mamangan odino oniinom na antokaman ed loob na taloy agew tan taloy labi. Onya met so gawaen ko tan saray bibiin managlingkur ed siak. Kayari na sayan gawaen tayo, onla ak ed ari, anggaman a sumlang ed ganggan. No nepeg ya ompatey ak, sipaparaan ak ya ompatey.”

Saray Huis 4:14

Insan inkuanen Debora ed kinen Barac, “Laka! Say Katawan so mangipangulod sika! Natan ed sayan agew ipatalo tod sika si Sisara.” Kanyan inmakseb si Barac a nanlapud Palandey na Tabor a kaiba to ray samplon libon totoo to.

Saray Huis 6:35

Angibaki na saray lalakin manawag ed saray lalakin walad sakop na duaran dalin na Manases, ta ontombuk irad sikato. Angibaki met na saray lalakin manawag ed saray lalakin kabyangay tribu di Aser, Zabulon, tan Neftali, et sinmabi ra met a milad sikato.

Saray Salmo 68:27

Walad onaan so Benjamin a sankamelagan a tribu, insan saray pangulo na Juda tan say grupo ra, tan manomtombuk iray pangulo na Zabulon tan Neftali.

Genesis 35:23

Sikara yay anak tod kinen Lea: Ruben (say pangulowan ya anak nen Jacob), Simeon, Levi, Juda, Isacar, tan Zabulon;

Genesis 35:25

diad kinen Bilha ya aripen nen Raquel: Dan tan Neftali;