Saray Huis 4:16 - Maung A Balita Biblia

¹⁶ Inosilan nen Barac ira may karwahi tan saramay sondalo ya anggad Haroset-na-saray-Hintil, et apatey ya amin iray sondalo nen Sisara. Anggapoy lakin atilak ed sikara.

Maung a Balita Biblia

¹⁶ Inosilan nen Barac ira may karwahi tan saramay sondalo ya anggad Haroset-na-saray-Hintil, et apatey ya amin iray sondalo nen Sisara. Anggapoy lakin atilak ed sikara.

Saray Huis 4:16 Referans Kwoze

Santiago 2:13

Ta diad panagsintinsiay Dios, ag to kasiay toon ag to amtay mangasi; balet say panangasi taloen toy sintinsia.

Saray Taga Roma 2:12

Saray Hintil ya ag nasasakopay Ganggan nen Moises nadusa ran anggapoy pibibiang na Ganggan. Saray Judio a nasasakopay Ganggan nasintinsiaan ira na Ganggan.

Isaias 43:17

Insulong tod kadederal iray makapanyarin sondalo, saray sondalon akakarwahi tan akakabayo. Atumtumba ra, et ag la ra makabangon, naandipat iran singa narep a silew na lamparaan!

Saray Salmo 104:35

Naderal komud tapew na dalin iray makasalanan; naandipat la ra komuy maoges a totoo. Idayew moy Katawan, sikan kamarerwak! Idayew yoy Katawan!

Saray Salmo 83:9

Gawam pad sikaray ginawam ed saray Madianita, tan diad kindi Sisera tan Jabin, diad Ilog na Kison.

Josue 11:8

Say Katawan impanalo to ray Israelita; dinogpaan da ray kalaban da tan inosilan da ra ya anggad Misrefotmaim tan Sidon diad baybay, tan anggad patar na Mizpa diad bokig. Tinmuloy so bakal ya anggad anggapoy nakdaan a mabilay ed saray kalaban.

Exodo 14:28

Pinmawil so danum tan tinabunan to ra may karwahi, saramay kutsiro, tan amin da ra may Egipsion inmosil ed saray Israelita ya anggad dayat; anggapoy atilak ed sikara anggan sakey.

Saray Huis 4:2

Kanyan say Katawan impadakep to rad kinen Jabin a Cananeo a nanarid siudad na Hazor. Say pangulo na saray sondalo to et si Sisara a nanayam ed Haroset-na-saray-Hintil.

Saray Huis 4:17

Batik si Sisara ed tulda nen Jael ya asawa nen Heber a Cineo, lapud maung so pipiolup nen Ari Jabin na Hazor ed pamilya nen Heber.

Josue 10:10

Say Katawan ginewgew to ray Amorreo nen anengneng da ray sondalo na Israel. Saray Israelita pinapatey dad Gabaon iray Amorreo tan inosilan da rad dalan ed alusadsar na palandey ed Bet-horon; dinogpaan da ra ya anggad Azeka tan Maceda diad abalaten.

Saray Salmo 83:10

Tinalom irad Endor, tan aboluk-boluk ed dalin iray bangkay da.