Saray Huis 3:29 - Maung A Balita Biblia

²⁹ Diad saman ya agew apatey da so sakey a samplon libo a sankaabigan a Moabitan sondalo; anggapod sikara so akabatik.

Maung a Balita Biblia

²⁹ Diad saman ya agew apatey da so sakey a samplon libo a sankaabigan a Moabitan sondalo; anggapod sikara so akabatik.

Saray Huis 3:29 Referans Kwoze

Saray Salmo 17:10

anggapoy panangasi ra tan mapasirayew iran mansasalita.

Saray Huis 3:17

Insan inyakar to ray rigalo ed kinen Eglon a mataba-taban laki.

Deuteronomio 32:15

“Minmayaman iray totoo na Katawan, matataba ra ta sawasawaan day kakanen, balet mananumlang irad Katawan. Inkaindan day Dios ya amalsad sikara tan impolisay day makapanyarin manangilaban da.

Deuteronomio 3:18

“Diad saman met a panaon inter kod sikara iray onggendan a bilin: ‘Say Katawan a Dios tayo et inter tod sikayo yan dalin ed bokig na Jordan ta panayaman yo. Natan sirin itdan yoy armas iray nayarin mibakal a totoo yo tan pabaliw yo rad Jordan; manayam irad onaan na saray arum a tribu na Israel, ta ibaan da ran manakup ed dalin da.

Saray Huis 3:28

Inkuantod sikara, “Tombuk yo ak! Impanalo kayo na Katawan ed saray kalaban yon Moabita.” Kanyan tinombuk dan nampaleksab si Aod tan dinakep day pasen a babaliwan na saray Moabita ed Ilog na Jordan; ag da inabuloyan so siopaman a toon ombaliw.

Saray Huis 3:30

Diad saman ya agew tinalo na saray Israelita so Moab, tan walomplon taon a nanarid dalin na Israel so kareenan.