Saray Huis 3:20 - Maung A Balita Biblia

²⁰ Insan legan a say ari et mambukbukor a manyodyorung ed dalem na ambetel a kuarto tod toktok na abung to, inasinggeran nen Aod tan kuanto, “Walay papaibagad siak na Dios ed sika.” Inmalagey imay ari.

Maung a Balita Biblia

²⁰ Insan legan a say ari et mambukbukor a manyodyorung ed dalem na ambetel a kuarto tod toktok na abung to, inasinggeran nen Aod tan kuanto, Walay papaibagad siak na Dios ed sika. Inmalagey imay ari.

Saray Huis 3:20 Referans Kwoze

Amos 3:15

Deralen ko ray kaabungan a para panaoy ambetel tan saray kaabungan a para panaoy tiagew. Natumban naderal-deral iray abung a dinokoraan na garing; naderal ya amin iray ankakabaleg a kaabungan.”

Jeremias 10:7

Siopay ag mangigalang ed sika, sika ya ari na amin a bansa? Sika so manepeg a galangen. Diad saray amin a makabat ed saray bansa, tan diad amin da ray arari ed bansa, anggapoy mipara ed sika.

Mikias 6:9

Kakabatan so itakot ed Katawan Say Katawan ontatawag ed siudad, “Dengel kayo, sikayo ran totoo a mantitipon ed siudad!

Saray Salmo 29:1

Idayew yoy Katawan, sikayo ran anghil na Dios; idayew yoy kagalangan tan say pakayari to.

Saray Huis 3:19

Balet amoliktar si Aod diad kinortin bato ya asingger ed Gilgal tan pinmawil ed kinen Eglon. Inkuanto, “Kagalang ya ari, walay maamut a balitan ibagak ed sika.” Kanyan ingganggan na ari iray aripen to, “Taynan yo kami dian bukor!” Pinmaway sirin ya amin ira may aripen.

Saray Huis 3:21

Inoyus na kawigin lima nen Aod imay ispadad kawanan a diking to, insan to intoruk ed eges na ari.

Nehemias 8:5

Atagey so panalalageyan nen Esdras, kanyan sankanengneng na amin a totoo. Ag da inyalis so mata rad sikato et kapangilukas tod libro inmalagey ya amin.

Jeremias 36:22

Panaoy ambetel ed saman tan manyodyorung ed abay na apoy so ari diad loob na palasio ton para panaoy ambetel.

Saray Bilang 23:18

et imbalikas nen Balaam yan propisiya: “Gala, Balak a lakin anak nen Zippor Ta dengel moy ibagak.