Saray Huis 21:25 - Maung A Balita Biblia

²⁵ Diad saman a panaon anggapoy ari ed Israel. Ginawa na balang sakey a too so labay ton gawaen.

Maung a Balita Biblia

²⁵ Diad saman a panaon anggapoy ari ed Israel. Ginawa na balang sakey a too so labay ton gawaen.

Saray Huis 21:25 Referans Kwoze

Deuteronomio 12:8

“No onsabiy tan a panaon, ag yo gagawaen so singa gagawaen yo ni ya anggad natan. Mangigagalang kayo nin amin onung na kaliktan yo,

Saray Huis 17:6

Anggapod saman a panaon so ari na Israel; ginawa na balang too so labay ton gawaen.

Probirbio 3:5

Manmatalek ka ed Katawan diad intiron pusom. Ag ka manmamatalek ed dilin pakatalus mo.

Ecclesiastes 11:9

Tobun-balo, manliket kayo legan a wala kayo nid kalangweran. Gawa yo labat so labay yo tan tombuk yoy kaliktan yo. Balet nunot yo a say Dios sintinsiaan to kayod saray amin a gagawaen yo.

Probirbio 14:12

Say dalan ya abaloan mon duga et nayarin mamaarap ed patey.

Saray Huis 19:1

Diad saramay agew ya anggapo niy ari na Israel, walay sakey a Levita a manaayam ed niarawin pasen ed kapokdulan a dalin na Efraim. Angyamung na sakey a biin taga Betlehem na Juda.

Saray Huis 18:1

Anggapod saman a panaon so ari na Israel. Diad saraman ya agew saray kabyangay tribu nen Dan et peles dan manaanap na nakayaryan dan dalin a panayaman da, lapud diad amin da ray tribu na Israel sikaray ag ni akaawat na nabebetangan dan dalin.

Saray Salmo 12:4

“Nanaala miy labay mi diad panamegley na saray salita mi. Salitaen miy labay mi, et anggapoy makapatondad sikami.”

Saray Huis 18:7

Kanyan tinmaynan ira may limaran lalaki tan linma rad baley na Lais. Anengneng da no panon a saray totood man et manaayam iran arawid kaatapan a singa saray Sidonio. Mareen so panagbilay da, anggapo ray mansasangsangan odino mansisiblangan; walad sikaray amin a nakaukolan da. Arawid sikara iray Sidonio tan anggapoy pasisiglaotan dad arum a totoo.

Saray Huis 21:24

Diad saman lamlamang a panaon tinmaynan ya amin iray arum ya Israelita; pinmawil ed dilin tribu to so balang sakey a too, tan diad dilin pamilya to tan diad dilin kayaryan to.

Isaias 53:6

Nen saman singa tayo saray karniron abalang, manaakar ed dilin dalan to so balang sakey ed sikatayo. Balet impasakbat na Katawan ed sikato so dusan kanepegan tayo.

Isaias 66:3

“Saray totoo gagawaen day labay dan dili. Anggapoy pandomaan ed sikara so pamatey na baka ya ibagat tan say pamatey na too ya ibagat; say pangibagat na kordiro tan say pamekpek na aso ed tenger; say pangisaklang da na bagat a trigo tan say pangibagat day dala na baboy; say pangibagat da na insinso tan say pampikasi rad talintaoy diriyos. Maliket irad makapaingungot a klasiy panangigalang ed Dios.