Saray Huis 21:22 - Maung A Balita Biblia

²² No onlad sikayo a manriklamo ray ama odino agagi ran lalaki, nayarin ibaga yo ed sikara, ‘Ipangasi yon ag yo la ra aalaen lapud ag mi ra inalad sikayod bakal, pian naasawa mi ra. Bangta ag yo ra inter ed sikami, ag kayo mankasalanan ed ag yo impanoor ed sipan yo.’”

Maung a Balita Biblia

²² No onlad sikayo a manriklamo ray ama odino agagi ran lalaki, nayarin ibaga yo ed sikara, Ipangasi yon ag yo la ra aalaen lapud ag mi ra inalad sikayod bakal, pian naasawa mi ra. Bangta ag yo ra inter ed sikami, ag kayo mankasalanan ed ag yo impanoor ed sipan yo.

Saray Huis 21:22 Referans Kwoze

Saray Huis 21:18

Balet ag tayo ra nayarin pangasawaen ed saray anak tayo, lapud sinambaan tayo a nisamba so siopaman a mangyabuloy ya asawaen na Benjaminita so anak to.”

Saray Huis 21:1

Nen nantitipon ed Mizpa iray Israelita, sinambaan dad Katawan: “Anggapod sikatayo so mangyabuloy ya asawaen na siopaman a Benjaminita so biin anak tayo.”

1 CORINTO 7:2

Balet lapud ontan lan karakel a nagagawan inmoralidad, nepeg a walay asawa so balang laki tan balang bii.

Probirbio 20:25

Nunot mon maung kasakbayan a mangisipan kay ibagat mo ed Dios; ompan kabebekta et magbabawi ka.

Saray Huis 21:14

Amawil la sirin ira may Benjaminita, tan saramay arum ya Israelita inter dad sikara ira may bibiin taga Jabes ya ag da ra pinatey. Balet kulang iran para sikara.

Saray Huis 21:7

Antoy gawaen tayo, pian naitdan tayo na saray asawa iray lalakin Benjaminita ya akeraan? Sinambaan tayod Katawan ya ag tayon balut paasawad sikara iray anak tayo.”

Genesis 7:13

Diad saman ya agew, si Noe tan say asawa to et linmoob irad biong a kaiba da ray anak dan lalaki a di Sem, Ham, Jafet, tan saray kaasawaan da.

Genesis 1:27

Onya so impamalsa na Dios ed too; pinalsa to ra a kaparay indengan to. Pinalsa toy laki tan say bii,