Saray Huis 21:14 - Maung A Balita Biblia

¹⁴ Amawil la sirin ira may Benjaminita, tan saramay arum ya Israelita inter dad sikara ira may bibiin taga Jabes ya ag da ra pinatey. Balet kulang iran para sikara.

Maung a Balita Biblia

¹⁴ Amawil la sirin ira may Benjaminita, tan saramay arum ya Israelita inter dad sikara ira may bibiin taga Jabes ya ag da ra pinatey. Balet kulang iran para sikara.

Saray Huis 21:14 Referans Kwoze

1 CORINTO 7:2

Balet lapud ontan lan karakel a nagagawan inmoralidad, nepeg a walay asawa so balang laki tan balang bii.

Saray Huis 21:12

Akarumog ira na apat a lasus a birhin ed saray totood Jabes, kanyan inawit da rad kampod Silo a sakop na dalin na Canaan.

Saray Huis 20:47

Balet anem a lasus a lalaki so akabatik ya anggad maawang ya alog tan akakar ira ed baleg a Baton-dampay na Rimmon. Nanayam irad man ya apat bulan.

Saray Huis 21:8

Nen tinepet da no wala kasiy grupo ed saray tribu na Israel ya ag akitipon ed Mizpa, naamtaan da ya anggapoy taga Jabes na Galaad ya akitipon diman;

Saray Huis 21:13

Insan nampabakian na intiron tipon na saray Israelita ira may Benjaminitan walad baleg a Baton-dampay na Rimmon tan impaibaga rad sikara tondaan da la so bakal.

Saray Huis 21:15

Kaskasian na saray totoo iray Benjaminita, lapud dineral na Katawan so pankakasakey na saray tribu na Israel.

Saray Huis 21:22

No onlad sikayo a manriklamo ray ama odino agagi ran lalaki, nayarin ibaga yo ed sikara, ‘Ipangasi yon ag yo la ra aalaen lapud ag mi ra inalad sikayod bakal, pian naasawa mi ra. Bangta ag yo ra inter ed sikami, ag kayo mankasalanan ed ag yo impanoor ed sipan yo.’”