Saray Huis 20:47 - Maung A Balita Biblia

⁴⁷ Balet anem a lasus a lalaki so akabatik ya anggad maawang ya alog tan akakar ira ed baleg a Baton-dampay na Rimmon. Nanayam irad man ya apat bulan.

Maung a Balita Biblia

⁴⁷ Balet anem a lasus a lalaki so akabatik ya anggad maawang ya alog tan akakar ira ed baleg a Baton-dampay na Rimmon. Nanayam irad man ya apat bulan.

Saray Huis 20:47 Referans Kwoze

Habacuc 3:2

O Katawan, nadngelan ko so ginagawam, et mapalaloy pankelaw ko. Diad sayan panaon mi gawam pa natan ira may makapakelaw a ginagawam nen saman. Mangasi ka pa, anggan mamapasnuk ka.

Saray Tagleey 3:32

Anggaman a panermenen to itayo, kasian to tayo onung na daakan ya ag mangoman a panangaro to.

Jeremias 14:7

Ontatawag ed siak iray totook, ‘Anggaman ya aakusaen kami na saray kasalanan mi, tulongan mo kami pa, Katawan, onung na insipan mo. Amimpiga kamin inmarawid sika; nankasalanan kamid sika.

Isaias 1:9

No ag labat inyabuloy na Katawan a Makapanyarin-amin a niagel iray pigaran totoo to, sigput komun ya aderal so Jerusalem, a singa inkaderal na Sodoma tan Gomorra.

Saray Huis 21:13

Insan nampabakian na intiron tipon na saray Israelita ira may Benjaminitan walad baleg a Baton-dampay na Rimmon tan impaibaga rad sikara tondaan da la so bakal.

Saray Huis 20:46

Diad saman ya agew duamplo tan liman libon Benjaminita iray apatey—masebeg iran amin a sondalo.

Saray Huis 20:48

Pinawil na saramay Israelita iray akeraan a Benjaminita tan pinapatey da ran amin—lalaki, bibii, ogogaw, tan pati saray ayayep. Pinoolan day amin a baley ed saman a dalin.

Zacarias 14:10

Napalanas so intiron dalin manlapud Geba diad baybay ya anggad Rimon diad abalaten. Say Jerusalem mansiansian ososdungan to ray dalin ed kaliber-liber to; say siudad sakopen toy pasen a manlapud Puirta nen Benjamin ya anggad Puirta na Suyok, a kawalaan nen saman na gendat a puirta, tan manlapud Tori nen Hananel ya anggad pespesan na ubas na ari.