Saray Huis 20:26 - Maung A Balita Biblia

²⁶ Insan amin da ray Israelita linma rad Betel tan nanermen ira. Nanirung irad man ed arap na Katawan tan ag iran balut angan anggad labi. Angisaklang ira na saray bagat a popoolan tan saray bagat a para kareenan—insaklang da ra yan amin ed arap na Katawan.

Maung a Balita Biblia

²⁶ Insan amin da ray Israelita linma rad Betel tan nanermen ira. Nanirung irad man ed arap na Katawan tan ag iran balut angan anggad labi. Angisaklang ira na saray bagat a popoolan tan saray bagat a para kareenaninsaklang da ra yan amin ed arap na Katawan.

Saray Huis 20:26 Referans Kwoze

Esdras 8:21

Diad abay na Ilog na Ahava ingganggan kon manayuno kamin amin tan mampaabeba kamin amin ed arap na Dios mi. Ingganggan ko met a kerewen min iwanwan to kami ed pambiahi mi tan iyagel to kamid kaatapan, sikami, saray anak mi tan amin a kayaryan mi.

Saray Huis 20:18

Linmad pasen a panangigalangan diad Betel iray Israelita, tan tinepet dad man ed Dios, “Dinan a tribu so ononan ondogpad saray Benjaminita?” Say Katawan inmebat, “Say tribu nen Juda.”

Joel 1:14

Iganggan yon nagawa so sakey a panayuno; pantitipon yo ray totoo. Pantitipon yo ray pangulo tan amin da ray totood Juda. Pantitipon yo ra ed Timplo na Katawan a Dios yo tan tawag kayod sikato!

2 Saray Awaran 20:3

Ataktakot si Josafat kanyan kinerew ton iwanwan na Katawan. Insan to ingganggan a nagaway ayuno ed intiron bansa.

1 Samuel 7:6

Kanyan nantitipon iran amin ed Mizpa. Angala ray danum tan imbales dan imbagat ed Katawan, tan nanayuno ran sanagew. Inkuanda, “Nankasalanan kamid Katawan.” (Diad Mizpa so nansintinsiaan nen Samuel ed saray kolkolan da ray Israelita.)

Saray Huis 20:25

Pinmaway ed Gabaa lamet iray Benjaminita, et natan akapatey ira na labinwalon libon sondalon Israelita ya impasal.

Saray Huis 21:2

Kanyan natan linmad Betel iray Israelita tan nanirung irad arap na Katawan ya anggad labi. Maknul tan ampaipait so impandageyem dad ermen:

1 Samuel 11:4

Saramay nibaki akasabi rad Gabaa a panaayaman nen Saul, et nen imbaga ray balita, manakis iray totoo ed ermen da.

Jeremias 36:9

Nen kumasiam a bulan na kumaliman taon na panaarid Juda nen Joakim, nanayuno iray totoo pian naala ray maung a linaway Katawan. Akibiang ed sayan ayuno iray amin a manaayam ed Jerusalem tan amin da ray linmad man a nanlapud saray baley na Juda.

Genesis 28:19

Betel so impangingaran tod saman a pasen. (Nen saman, Luz so ngaran to man a baley.)

Josue 7:6

Si Josue tan saray pangulo na Israel pinipilat day kawes da lapud ermen da, intitiblak day laman da ed dalin diad arap na Kaban na Sipanan na Katawan, tan nandodokul irad man ya anggad labi, a kadadabuk so kaoloan da diad pangipanengneng dad ermen da.

Josue 24:1

Tinipon nen Josue ed Sikem iray amin a totood tribu na Israel. Tinawag to ray mamatakken, saray pangulo, saray huis, tan saray opisial na Israel, tan pinmarontal irad arap na Dios.

Saray Huis 21:4

Diad kabkabwasan na ontombuk ya agew binmangon ira may totoo tan amaalagey irad man na altar. Angisaklang ira na saray bagat a popoolan tan saray bagat a para kareenan.

2 Samuel 3:35

Sanagew a tatangguyoren na saray totoo si David a mangan, balet sinambaan to, “Pateyen ak komun na Dios no mangan ak na antokaman kasakbayan ya onselek so agew!”