Saray Huis 20:22 - Maung A Balita Biblia

^22-23 Insan linmad pasen a panangigalangan iray Israelita tan nanermen irad arap na Katawan ya anggad labi. Tinepet dad sikato, “Onla kami lamet a mibakal ed saray agagi min Benjaminita?” Inmebat so Katawan, “On.” Lapud sayan ebat binmiskeg so linawa da ra may Israelita, kanyan inlira ra lamet ed pasen ya angiliraan day sikaran dili nen imbeneg ya agew.

Maung a Balita Biblia

^22-23 Insan linmad pasen a panangigalangan iray Israelita tan nanermen irad arap na Katawan ya anggad labi. Tinepet dad sikato, Onla kami lamet a mibakal ed saray agagi min Benjaminita? Inmebat so Katawan, On. Lapud sayan ebat binmiskeg so linawa da ra may Israelita, kanyan inlira ra lamet ed pasen ya angiliraan day sikaran dili nen imbeneg ya agew.

Saray Huis 20:22 Referans Kwoze

Saray Salmo 64:5

Mampapabiskegan iray linawa nipaakar ed saray maoges a komplut da; pantotongtongan da no iner so pangiliraan da ray patit da. “Anggapoy makanengneng ed saraya,” kuanda.

2 Samuel 11:25

Inkuanen David ed samay imbaki, “Pabiskeg moy linawa nen Joab. Ibagam ed sikato ya ag nagogoloy isip to, ta ag nibaga no siopay napatey ed bakal. Ibagam met ed sikato ya ag nagogoloy isip to, ta ag nibaga no siopay napatey ed bakal. Ibagam met ed sikato a pabiskegen toy idogpa tod siudad, pian nadakep yo.”

1 Samuel 30:6

Agunigon a maung si David, ta ansakit a maung so linawa da ray totoo to lapud inkabalang na saray anak da, tan pantotongtongan da lan tupaken. Balet pinabiskeg na Katawan a Dios to so linawa to.

Saray Huis 20:17

Apat a lasus libon impasal a sondalo na Israel so atipon, likud ed saray kabyangay tribu nen Benjamin.

Saray Huis 20:15

Diad saman ya agew duamplo tan anem a libon sondalo a nanlapud saray siudad da so atawag da. Likud ed saraya, anipon iray totood Gabaa na piton lasus a lalakin nidoma-doman pinili; kawigi ra yan sondalo. Nayarian na siopaman ed sikara a bansotan so sakey a buek et nakena ton nakena.

Saray Huis 20:21

Pinmaway ed siudad iray sondalo nen Benjamin, et diad saman ya agew akapatey ira na duamplo tan duan libon sondalon Israelita.