Saray Huis 20:14 - Maung A Balita Biblia

¹⁴ Nantitipon ed Gabaa iray totood amin a siudad na Benjamin, ta bakalen da ray arum a totood Israel.

Maung a Balita Biblia

¹⁴ Nantitipon ed Gabaa iray totood amin a siudad na Benjamin, ta bakalen da ray arum a totood Israel.

Saray Huis 20:14 Referans Kwoze

2 Saray Awaran 13:13

Legan to ya, angibakiy Jeroboam na saray totoo to a biglan ondogpa ed saray sondalo na Juda diad beneg da; saray arum balet a sondalo to akiarapan ira.

Saray Bilang 21:23

Balet si Sehon ag to abuloyan ya ondalan ed dalin to iray Israelita. Tinipon to ray sondalo to tan pinmaway iran linmad Jahaz diad kalawakan tan dinogpaan da ray Israelita.

Saray Bilang 20:20

Inolit ya imbaga na saray Edomita, “Ag kami onabuloy!” Insan pinmaway so amayamay a masesebeg a sondalo ra ya ondogpad saray totood Israel.

Saray Huis 20:13

Ipalima yod sikami ra man a totoon andi-kakanaan a taga Gabaa, ta pateyen mi ra pian naekal yan kaogsan ed Israel.” Balet ag dinengel na saray totood Benjamin ira may arum ya Israelita.

Saray Huis 20:15

Diad saman ya agew duamplo tan anem a libon sondalo a nanlapud saray siudad da so atawag da. Likud ed saraya, anipon iray totood Gabaa na piton lasus a lalakin nidoma-doman pinili; kawigi ra yan sondalo. Nayarian na siopaman ed sikara a bansotan so sakey a buek et nakena ton nakena.