Saray Huis 2:20 - Maung A Balita Biblia

²⁰ Insan say Katawan pinmetang so olo tod Israel tan kuanto, “Sayan bansa dineral day sipanan ya ingganggan kon onuren na saray atateng da. Lapud ag da ak inonur,

Maung a Balita Biblia

²⁰ Insan say Katawan pinmetang so olo tod Israel tan kuanto, Sayan bansa dineral day sipanan ya ingganggan kon onuren na saray atateng da. Lapud ag da ak inonur,

Saray Huis 2:20 Referans Kwoze

Saray Huis 2:14

Kanyan mapalaloy impakapasnuk na Katawan ed sikara tan inabuloyan ton dinogpaan ira na saray kalaban da tan tinakewan ira. Inabuloyan to ran nipasilong ed pakayari na saray kalaban dad kaliber-liber da, tan saray Israelita et ag da niagel so sikaran dili.

Josue 23:16

No ag yo sumpaley impisipanan na Katawan a Dios yo onung na ganggan ton sumpalen yo, tan manlingkur tan mangigalang kayod arum a diriyos, dusaen to kayod pasnuk to, et ag mabayag anggapoy nakeraan ed sikayo diad sayan maung a dalin ya inter tod sikayo.”

Ezekiel 20:37

“Pegetan koy panoley kod sikayo tan patoluken ta kayod impisipanan ko.

Jeremias 31:32

Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

Saray Huis 10:7

Kanyan akapasnuk so Katawan ed saray Israelita, tan inabuloyan ton nadakep ira na saray Filisteo tan saray Ammonita.

Saray Huis 3:8

Kanyan akapasnuk so Katawan ed Israel, et inabuloyan toy Ari Cusan-risataim na Mesopotamia a nadakep to ra. Waloy taon a nagmaliw iran walad silong na pakaoley to.

Deuteronomio 32:22

Onliub a singa apoy so pasnuk ko tan poolan toy amin a bengatlan walad tapew na dalin. Sabien toy daledalem na pasen a panaayaman da ray inaatey tan padapolen toy anggan saray letnegan na kapalandeyan.

Saray Huis 2:19

Balet kapatey na pangulo, saray totoo ompawil irad gendat a kabibilay da tan mapalalo niy kaogsan da nen say kaogsan na imbeneg a kailalakan. Nanlilingkur tan angigagalang irad saray arum a diriyos, tan diad gaway awet na olo ra intuloy day maoges a kabibilay da.

Saray Salmo 78:10

Ag da tinoor so impisipanan dad Dios; ag da tinoluk so ganggan to.

Saray Bilang 32:13

Akapasnuk so Katawan ed saray totoo tan impanakar-akar to ran apataploy taon ed kalawakan ya anggad inaatey iray amin a kabyangan na saman a kailalakan a sinmumpad sikato.

2 Samuel 24:1

Aminsan akapasnuk so Katawan ed Israel, kanyan tinanggoyur ton mangiter na gunigon ed saray Israelita si David. Inkuan na Katawan ed sikato, “Laka, ta bilang mo ray totood Israel tan Juda.”

Saray Salmo 106:40

Kanyan amasnuk so Katawan ed saray totoo to; naingungotan ed sikara.