Saray Huis 2:17 - Maung A Balita Biblia

¹⁷ Balet ag da dinengel ira yan pangulo ra. Aliwan matoor iray Israelita ed Katawan tan angigalang ira ed saray arum a diriyos. Inmonur ed saray ganggan na Katawan iray atateng da, balet tinondaan na sayan balon kailalakan so tinmoluk ed Katawan.

Maung a Balita Biblia

¹⁷ Balet ag da dinengel ira yan pangulo ra. Aliwan matoor iray Israelita ed Katawan tan angigalang ira ed saray arum a diriyos. Inmonur ed saray ganggan na Katawan iray atateng da, balet tinondaan na sayan balon kailalakan so tinmoluk ed Katawan.

Saray Huis 2:17 Referans Kwoze

TAGA GALACIA 1:6

Mankelaw ak no akin et agaylay siglat yon mangibebeneg ed Dios ya anawag ed sikayo diad panamegley na baleg a panangaro nen Cristo, tan ontotombuk ki lad sananey a maung a balita.

Deuteronomio 9:12

“Insan say Katawan kuantod siak, ‘Akseb kan tampol, ta saray totoom ya impaway mo manlapud Egipto et nagmaliw iran maoges. Sinumlang da la may ingganggan kod sikara, tan nanggawa ra na para sikara na talintaoy dios.’

Saray Huis 2:7

Legan a mabilay si Josue, nanlingkur ed Katawan iray totoo tan anggan kayariy impatey to, intuloy day nanlingkur legan a mabilay ni ray pangulon akanengneng na amin da ray makapakelaw a ginagawa na Katawan ed Israel.

Oseas 2:2

Anak ko, pitongtongan yoy ina yo—anggaman ya ag ko la asawa, tan ag to ak la asawa. Pikasi yod sikato a tondaan to lay marotak a gagawaen to tan say pikakaloguran to.

Saray Salmo 106:43

Amimpiga-pigan inyagel na Katawan iray totoo to, balet nilabay day onsumpad sikato; kanyan lalon linmereg irad kasalanan.

Saray Salmo 106:39

Dinotakan day sikaran dili onung ed ganggan lapud saray gawgawa ra, tan aliwa ran matoor ed Dios.

Saray Salmo 73:27

Saray mangikakaindan ed sika et andi-saew ya ompatey ira; deralen mo ray aliwan matoor ed sika.

1 Samuel 12:19

inkuandad kinen Samuel, “Ipikasi mo kami pad Katawan a Dios mo, pian ag kami ompatey. Abirbir mi la natan, a likud ed saray arum a kasalanan nankasalanan kamid impankerew miy sakey ya ari.”

1 Samuel 12:17

Tiagew ed natan, anto? Balet mampikasi ak, et say Katawan pakarulen tan paoranen to. No nagawa ya, nabirbir yon nanggawa kayoy baleg a kasalanan ed Katawan nen kinmerew kayod sikato na sakey ya ari.”

1 Samuel 12:12

Balet nen ngalngali kayo la labanan nen Nahas ya ari ed Ammon, impolisay yon ari yo so Katawan tan kuanyod siak, ‘Labay miy sakey ya arin manoley ed sikami.’”

Josue 24:31

Legan a mabilay si Josue, nanlilingkur ed Katawan iray totood Israel, tan intuloy da yan ginawa kayariy impatey to legan a mabilay iray pangulon akanengneng na amin da ray ginagawa na Katawan ed Israel.

Josue 24:24

Inkuan sirin na saray totoo ed kinen Josue, “Manlingkur kamid Katawan a Dios tayo. Onuren mi ray ganggan to.”

Deuteronomio 9:16

Anengneng ko a sinumlang yo la may ingganggan ed sikayo na Katawan a Dios yo, tan nankasalanan kayod sikato diad impanggawa yo na para sikayon dili na sakey a mital a bakan kalakyan a talintaoy dios.

Levitico 17:7

Saray Israelita et ag da la nepeg a sumlangen so Katawan diad pamatey dad saray ayayep da ed kaalogan tan ibagat da rad kanding a dimonyo. Saray totood Israel et nepeg dan onuren yan totontonen ya anggan kapigan man a panaon.

Exodo 32:8

Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Amos 2:4

Say Katawan kuanto, “Nankakasalanan iray totood Juda, kanyan andi-saew a dusaen ko ra. Impolisay da ray bangat ko tan ag da inonur iray ganggan ko. Imbalang ira na saray tila-tilan diriyos a nanlilingkuran na saray lalaki ra.

Deuteronomio 31:16

Say Katawan kuantod kinen Moises, “Magano lay ipatey mo, et kapatey mo magmaliw iran malamang ed siak iray totoo tan deralen day impisipanan kod sikara. Ikaindan da ak tan mangigalang irad saray paganon diriyos na dalin a ngalngali da lan looban.

Deuteronomio 31:18

Ag ko rad satan tulongan lapud maoges so ginawa ra tan angigalang irad saray diriyos.

Saray Huis 8:33

Kayariy impatey nen Gedeon nagmaliw ya aliwan matoor lamet ed Dios iray Israelita tan angigagalang irad saray Baal. Impagmaliw dan dios da so Baal-na-Sipanan.

Jeremias 3:6

Nen si Josias so ari, inkuan na Katawan ed siak, “Anengneng mo so ginawa na Israel, saman ya aliwan matoor a bii? Diad balang atagey a pokdul, tan diad silong na balang malambut a kiew nagmaliw diman a singa marotak a bii.

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”