Saray Huis 19:1 - Maung A Balita Biblia

¹ Diad saramay agew ya anggapo niy ari na Israel, walay sakey a Levita a manaayam ed niarawin pasen ed kapokdulan a dalin na Efraim. Angyamung na sakey a biin taga Betlehem na Juda.

Maung a Balita Biblia

¹ Diad saramay agew ya anggapo niy ari na Israel, walay sakey a Levita a manaayam ed niarawin pasen ed kapokdulan a dalin na Efraim. Angyamung na sakey a biin taga Betlehem na Juda.

Saray Huis 19:1 Referans Kwoze

Saray Huis 18:1

Anggapod saman a panaon so ari na Israel. Diad saraman ya agew saray kabyangay tribu nen Dan et peles dan manaanap na nakayaryan dan dalin a panayaman da, lapud diad amin da ray tribu na Israel sikaray ag ni akaawat na nabebetangan dan dalin.

Saray Huis 17:8

Tinaynan toy Betlehem ta mananap na arum a pasen a panayaman to. Nen manaakar, asabi toy abung nen Micaya, diad kapokdulan a dalin na Efraim.

Mateo 2:6

‘Sika, O Betlehem, diad dalin na Juda, aliwan sikay sankaabebaan ed saray manonan baley na Juda; ta panlapwan kay sakey a pangulo a mangiwanwan ed saray totook ya Israel.’”

Malakias 2:15

Ag ta say Dios impankasakey to kayod laman tan ispiritu? Antoy getma tod saya? Say getma to et say pananak yo na saray petepeteg a totooy Dios. Kanyan apiapiger yon imanoen ya anggapoy anggan sakey ed sikayo so maneral na sipan to ed asawa to.

Saray Huis 21:25

Diad saman a panaon anggapoy ari ed Israel. Ginawa na balang sakey a too so labay ton gawaen.

Saray Huis 17:6

Anggapod saman a panaon so ari na Israel; ginawa na balang too so labay ton gawaen.

Josue 24:33

Si Eleazar a lakin anak nen Aaron et inatey tan nipompon ed Gabaa, say baley a walad kapokdulan a dalin na Efraim a niiter ed anak ton laki a si Finees.

Josue 24:30

Impompon da ed dilin dalin to ed Timnat-sera diad kapokdulan a dalin na Efraim a baybay na Palandey na Gaas.

Daniel 5:3

Niakar a tampol ed sikato ira may balituk a kupa tan losur, tan naniinoman da ra na alak

Ester 2:14

Onlad kawalaay ari no labi, tan diad kaimbwasan niakar ed sananey a panagayaman na saray bibii, tan nipaasikaso ed kinen Sasgar, say yunukon makaoley ed saray bibiin iyaamung na ari. Ag to onla lamet ed ari likud no labalabay na ari tan kerewen to diad pamitla toy ngaran na saman a bii.

2 Saray Awaran 11:21

Labinwalon amin iray asawa nen Roboam tan anemaplo ray inyaamung ton bibii. Duamplo tan walon lalaki tan anemaplon bibii iray ilalak to. Si Maaca so sankainaroan to ed amin da ray asawa to.

1 Saray Arari 11:3

Angasawa na piton lasus a prinsisa tan angyamung ni na talon lasus ya arum iran bibii. Tinanggoyur dan onarawi ed Dios,

2 Samuel 20:3

Kasabi nen David ed palasio tod Jerusalem, inala to ra may samploran iyaamung ton bibii ya intilak to ran manasikasoy palasio, insan to ra impabantayan. Initdan to ray pambilay da, balet ag to la ran balut inakdulan. Apokuk ira legan na impanbilay da; nambilay iran singa saray balo.

2 Samuel 19:5

Linmay Joab ed abung na ari tan kuantod sikato, “Pinaabebam natan iray totoom—saray totoon angyagel na bilay mo tan say bilay na saray anak mon bibii, say bilay na saray asawam tan saray bibiin iyaamung mo.

2 Samuel 16:22

Kanyan nanggawa ray tulda a para si Absalom diad toktok na palasio, tan diad pakanengneng na amin a totoo linmoob si Absalom tan akiakdul ed saray bibiin inamung nen ama to.

2 Samuel 5:13

Kaalis nen David manlapud Hebron, angyamung ni tan angasawa ni na pigaran bibii ed Jerusalem, kanyan dinmakel iray anak ton bibii tan lalaki.

2 Samuel 3:7

Aminsan ya agew, si Isboset ya anak nen Saul inakusa toy Abner ya akiakdul ed sakey ya asawa nen Saul a si Rizpa ya anak nen Aya.

Saray Huis 17:1

Nen saman walay sakey a lakin manngaran na Micaya a manaayam ed kapokdulan a dalin na Efraim.

Genesis 35:19

Nen inatey si Raquel, imponpon dad gilig na dalan a mamaarap ed Efrata, a tatawagen natan na Betlehem.

Genesis 25:6

balet legan ton mabilay, iniitdan toy rigalo ray anak tod saray arum ya asawa to. Insan imbaki to ra yan anak to ed dalin a bandad bokig, pian niarawi rad kinen anak ton Isaac.

Genesis 22:24

Si Reuma a biin inamung nen Nacor et inaanak to ra di Tebal, Gaham, Tahas, tan Maaca.

Saray Huis 17:7

Diad saman a panaon walay sakey a lakin tobun-balo a Levita a manaayam ed baley na Betlehem na Juda.

Saray Huis 19:2

Balet akapasnuk ed sikato imay bii, amawil ed kinen ama to ed Betlehem, tan nanayam diman ya apat bulan.

Saray Huis 19:16

Legan dan wadman, walay masiken ya onsesempet la kayari ton nankimey ed daralusan to. Gendat a taga kapokdulan a dalin na Efraim, balet manaayam la natan diad Gabaa. (Kabyangan na tribu nen Benjamin iray arum a totood man.)

Saray Huis 3:27

Nen sinmabid man ed kapokdulan na Efraim, pinaknul toy trumpita a panawag ton mibakal iray lalakin Israelita; impangulo to ran inmakseb a nanlapud saray kapokdulan.

Saray Huis 12:8

Kayari nen Jefte, si Ibzan, a taga Betlehem so sinmalat ya angipangulo ed Israel.

Saray Huis 18:13

Manlapud saman a pasen tinmuloy ira, et akasabi ra ed abung nen Micaya diad kapokdulan a dalin na Efraim.

1 Saray Arari 4:8

Saraya so kangaranan da ray gobirnador tan saray distriton ooleyan da: Ben-hur: say nipokdul a pasen na Efraim