Saray Huis 18:7 - Maung A Balita Biblia

⁷ Kanyan tinmaynan ira may limaran lalaki tan linma rad baley na Lais. Anengneng da no panon a saray totood man et manaayam iran arawid kaatapan a singa saray Sidonio. Mareen so panagbilay da, anggapo ray mansasangsangan odino mansisiblangan; walad sikaray amin a nakaukolan da. Arawid sikara iray Sidonio tan anggapoy pasisiglaotan dad arum a totoo.

Maung a Balita Biblia

⁷ Kanyan tinmaynan ira may limaran lalaki tan linma rad baley na Lais. Anengneng da no panon a saray totood man et manaayam iran arawid kaatapan a singa saray Sidonio. Mareen so panagbilay da, anggapo ray mansasangsangan odino mansisiblangan; walad sikaray amin a nakaukolan da. Arawid sikara iray Sidonio tan anggapoy pasisiglaotan dad arum a totoo.

Saray Huis 18:7 Referans Kwoze

Josue 19:47

Nen abalang na saray totoo na Dan so dalin da, linma rad Lesem tan dinogpaan da. Adakep da, pinapatey da ray totoo to, tan kinayaryan da. Nanayam irad man tan impagmaliw da a Dan so ngaran to may siudad; impara ra ed ngaran na laki ran si Dan.

Puyan 18:7

No kaonungay impanpasirayew tan impankasalanan to na inmoralidad, ontan met so iter yon irap tan ermen ed sikato. Ta naynay ton ibagad sikaton dili: ‘Riyna ak, aliwan balo, a manyod-yorung dia! Ag kon balut nasagmak so ermen!’

1 Pedro 2:14

tan diad saray gobirnador ya imbaki na Impirador a sikaray manusad saray manggagaway kaogsan tan mamagalang ed saray manggagaway kamaungan.

Saray Taga Roma 13:3

Saray manoley nepeg a takotan na saray managgaway kaogsan, aliwan saray managgaway kamaungan. Labay mon ag takotay toon manoley? Manggawa kay kamaungan, pian pagalangan to ka.

1 Samuel 3:13

Imbagak lad sikato a dusaen kon andi-anggaan so pamilya to, lapud saray lalakin anak to et nansalita ray maoges sumpad siak. Kabat nen Eli so panggagawa rad saya, balet ag to ra pinatonda.

Saray Huis 18:6

Inmebat imay pari, “Anggapoy nepeg yon pampagaan. Aasikasoen kayo na Katawan ed sayan kurang yo.”

Saray Huis 18:8

Nen pinmawil ed Zora tan Estaol ira may limaran lalaki, tinepet ed sikara na saray kabaleyan da no antoy arumog da.

Saray Huis 18:29

Sinalatan day ngaran to may baley a Lais; insalat da so Dan; impara ra ed ngaran na ateng da a Dan a lakin anak nen Jacob.

1 Saray Arari 16:31

Ag apera ed impangalig tod kasalanan nen Jeroboam; pinalumbasan to ingen, ta inasawa toy Jezebel ya anak nen Ari Etbaal na Sidon, tan angigalang ed Baal.

1 Saray Awaran 4:40

Akalmo rad may amayamay a mabonan pastolan diad maawang ya alog, mareen tan arawid kaatapan. Saray Hamita so nanayam diman nen saman.

Jeremias 49:31

‘Gali la! Dogpaan tayo ra man a totoon mambibilay ed kareenan tan arawid kaatapan. Anggapoy kaput odino tarangka iray puirtay siudad da; sigput ya anggapoy mangyagel ed sikara.’