Saray Huis 18:29 - Maung A Balita Biblia

²⁹ Sinalatan day ngaran to may baley a Lais; insalat da so Dan; impara ra ed ngaran na ateng da a Dan a lakin anak nen Jacob.

Maung a Balita Biblia

²⁹ Sinalatan day ngaran to may baley a Lais; insalat da so Dan; impara ra ed ngaran na ateng da a Dan a lakin anak nen Jacob.

Saray Huis 18:29 Referans Kwoze

1 Saray Arari 15:20

Inmabubon ed kinen Asa si Ari Ben-hadad, kanyan imbaki ton ondogpad saray siudad na Israel iray sondalo to tan saray pangulo ra. Adakep day Ijon, Dan, Abel-bet-maaca, say pasen ya asingger ed Dayat na Galilea, tan say intiron nasasakopan na Neftali.

Josue 19:47

Nen abalang na saray totoo na Dan so dalin da, linma rad Lesem tan dinogpaan da. Adakep da, pinapatey da ray totoo to, tan kinayaryan da. Nanayam irad man tan impagmaliw da a Dan so ngaran to may siudad; impara ra ed ngaran na laki ran si Dan.

Genesis 14:14

Nen nadngelan nen Abram ya adakep si kaanakan to, tinawag ton amin iray totoo ton sarag day mibakal tan akatipon na talon lasus tan labinwalon lalaki. Inosilan to ya anggad Dan ira may apatiran arari.

Saray Huis 20:1

Amin da ray totood Israel, manlapud Dan diad baybay ya anggad Beer-seba diad abalaten tan manlapud Galaad diad bokig, et inmebat irad tawag a mibakal ira. Nantitipon iran singa saksakey iran laman diad arap na Katawan diad Mizpa.

2 Samuel 17:11

Say simbawak sirin et say panipon mod amin ya Israelita, manlapud baley na Dan ya anggad baley na Beer-seba, a singa ra karakel na buer ed dayat; insan sikan dili so mangipangulod pibakal da.

Genesis 32:28

Inkuanto may too, “Aliwa lan Jacob so ngaran mo. Akibalsakan kad Dios tan saray totoo, et analo ka; kanyan Israel la so ngaran mo.”

Genesis 30:6

Inkuanen Raquel, “Pinilaan ak na Dios. Dinengel toy pikakasik, tan initdan to ak na anak a laki”; kanyan inngaran to na Dan.

Saray Huis 18:7

Kanyan tinmaynan ira may limaran lalaki tan linma rad baley na Lais. Anengneng da no panon a saray totood man et manaayam iran arawid kaatapan a singa saray Sidonio. Mareen so panagbilay da, anggapo ray mansasangsangan odino mansisiblangan; walad sikaray amin a nakaukolan da. Arawid sikara iray Sidonio tan anggapoy pasisiglaotan dad arum a totoo.

Jeremias 8:16

Wala lad siudad na Dan iray kalaban tayo; narerengel tayo so ariba na saray kabayoy kalaban tayo. Manggiwgiw lay intiron bansa no manaringing iray kabayo ra. Sinmabi la ran manderal na dalin tayo tan amin a logan to, manderal na siudad tayo tan saray totoon manaayam.”

Deuteronomio 34:1

Manlapud saray patar na Moab si Moises linmad Palandey na Nebo, tan kinmalab ed toktok na Palandey na Pisga a nibokig na Jerico, tan diman impanengneng ed sikato na Katawan so intiron dalin na Canaan: say dalin na Galaad ya anggad baybay diad baley na Dan;