Saray Huis 18:26 - Maung A Balita Biblia

²⁶ Insan intuloy na saramay kabyangay tribu nen Dan so nankurang. Anengneng nen Micaya ya anggapoy nagawaan ton milaban, kanyan amoliktar lan sinmempet.

Maung a Balita Biblia

²⁶ Insan intuloy na saramay kabyangay tribu nen Dan so nankurang. Anengneng nen Micaya ya anggapoy nagawaan ton milaban, kanyan amoliktar lan sinmempet.

Saray Huis 18:26 Referans Kwoze

Genesis 49:16

“Si Dan et manoley ed saray totoo to. Magmaliw iran singa saray arum a tribu na Israel.

Saray Huis 18:25

Inkuandad kinen Micaya, “Maung lay mandeen ka nen say makapasnuk ira yay lalaki dia, et dogpaan da ka. Andi-saew a nasaplut kayon sankapamilyaan.”

Saray Huis 18:27

Kayarin inala na saramay kabyangay tribu nen Dan imay pari tan saramay bengatlan ginawa nen Micaya, linma ran dimogpa ed Lais, samay baley a mareen so panagbilay na saray totoo to, tan walad patar a singa Betrehob. Pinapatey da ray totood man tan pinoolan day baley. Anggapoy mangyagel ed sikara, lapud arawi so Lais ed Sidon, tan anggapoy pipiolupan dan arum a totoo. Pinasimbalon impaalagey na saramay kabyangay tribu nen Dan tan nanayam irad man.

1 Saray Arari 12:29

Inyan tod Betel imay sakey a bakan balituk tan diad Dan so sakey.

Ezekiel 48:1

Say ketegan ed bandad baybay na dalin et mampabokig a manlapud Dayat na Mediteraneo ya anggad siudad na Hetlon, anggad Dalan na Hamat, anggad Siudad na Enon, anggad ketegan diad nanleetan na nanarian na Damasco tan Hamat. Kapag tribu mangawat na sakey a parti na dalin ya onlaknab a manlapud ketegan ed bokig ya anggad sagur a nasabi toy Dayat na Mediteraneo. Saraya so mantotombukan a mangawat manlapud baybay ya anggad abalaten: Dan, Aser, Neftali, Manases, Efraim, Ruben, tan Juda.