Saray Huis 18:20 - Maung A Balita Biblia

²⁰ Lapud saya akaliket imay pari, kanyan inala to ra may talintao tan samay ipod tan akilad sikara.

Maung a Balita Biblia

²⁰ Lapud saya akaliket imay pari, kanyan inala to ra may talintao tan samay ipod tan akilad sikara.

Saray Huis 18:20 Referans Kwoze

2 Pedro 2:3

Lapud inkaagom da, siliban day kayamanan yo diad panamegley na saray tila-tilan salita. Abayag lan akaparaay dusa ra, tan ag naogip so Mananeral ed sikara!

FILIPOS 3:19

Kaderalay pansumpalan da, ta gagawaen dan diriyos da ray pilalek na laman da. Say nepeg da komun ya ibaing so ipapasirayew da, tan saray mangaraldalin a bengatla so nununoten da.

Saray Gawgawa 20:33

Ag ko inagom so pilak, balituk, o kawes na siopaman.

Oseas 4:3

Kanyan say dalin onkelang, tan ompatey ya amin iray manaayam. Ompatey ya amin iray ayayep, amin a manok, tan amin a sira.”

Ezekiel 13:19

Papabaingan yo ak ed arap na saray totook, pian makala kayo labat na sankaakup a sibada tan pigaran tinapay. Papateyen yo ray totoon ag da kanepegay ompatey, tan pansiasiansiaen yon mabilay iray totoon ag da kanepegay mambilay. Kanyan titilaan yo ray totook, et manisia rad sikayo.”

Isaias 56:11

Singa ra masisiban aso ya ag balut napepesel. Anggapoy pakatalus da ra yan pangulo. Gagawaen na balang sakey ed sikara so labay to tan say dilin pankaabigan to so aanapen to.

Probirbio 30:15

Say linta walay duaran anak ton bii, tan say ngaran dan dua, “Itdan mo ak!” Walay apatiran bengatla ya ag iran balut napepenek;

Saray Huis 17:10

Inkuanen Micaya, “Manayam ka diad siak. Sikay magmaliw a sumisimbawak tan parik, et itdan ta ka, kapag sakey taon, na samploran pilak a kuarta, pigaran kawes, tan say kanen mo.”

Levitico 26:1

Say Katawan kuanto, “Ag kayo manggagawa na saray diriyos, ni mangipapaalagey na saray talintao, saray baton lusek, odino saray kinortin bato a galangen yo. Siak so Katawan a Dios yo.

Saray Huis 18:19

Inkuandad sikara, “Ag ka maingal. Ag ka onsasalita. Milad kad sikami tan sika so pari tan sumisimbawa mi. Ag mo ta labay so mampari ed intiron sakey a tribu na Israel nen say sakey a pamilya labat?”

Saray Huis 18:21

Pinmoliktar ira tan ginapwan day linma a walad onaan da ray anak da, saray baka ra, tan saray kayaryan da.

Ezekiel 21:21

Manaalagey so ari na Babilonia diad abay na samay tanda ed nansangaan na dalan. Diad pangamta to no dinay dalanen to, ibuyandak to ray pana to, ipapanon tod saray talintaoy diriyos to; sosokayan toy altey na nibagat ya ayep.