Saray Huis 18:17 - Maung A Balita Biblia

¹⁷ Tinmuloy ed abung ira may limaran nibaki a mannengneng ed dalin tan inala ra may kiew a talintaon naokupan na pilak, saramay arum a talintao, tan samay ipod, legan a kaiba na samay pari ed puirta ira may anem a lasus a sondalon akaarmas.

Maung a Balita Biblia

¹⁷ Tinmuloy ed abung ira may limaran nibaki a mannengneng ed dalin tan inala ra may kiew a talintaon naokupan na pilak, saramay arum a talintao, tan samay ipod, legan a kaiba na samay pari ed puirta ira may anem a lasus a sondalon akaarmas.

Saray Huis 18:17 Referans Kwoze

Saray Huis 18:14

Insan saramay limaran nibaki a mannengneng ed dalin a kaliber-liber na Lais kuandad saray kakaiba ra. “Diad sakey ed saray abung dia walay kiew a talintaon naokupan na pilak. Wala met iray arum a talintao tan walay sakey ya ipod. Antoy kuanyon gawaen tayo?”

Saray Huis 18:2

Kanyan saray totoo nen Dan amili ra na limaran nayarin lalaki ed amin da ray pamilya na tribu tan imbaki da ran manlapud saray baley na Zora tan Istaol. Binilin da ra a liberen day dalin, ta nengnengen da. Nen akasabi rad kapokdulan na dalin na Efraim, akiayam irad abung nen Micaya.

Mikias 5:13

Deralen ko ray talintaoy diriyos yo tan saray masanton baton lusek yo; ag yo lad satan galangen iray bengatlan ginagawa yo.

Isaias 46:7

Sasakbaten tan aawiten da; ililira rad sakey a pasen, tan manalagey diman, ag makaalis ed kawalaan to. No walay mampikasi ed sikato ag makaebat odino makapangilaban ed gunigon to.

1 Samuel 4:11

Asamsam so Kaban na Sipanan na Katawan, tan inatey ira di Ofni tan Finees a lalakin anak nen Eli.

Saray Huis 6:31

Balet inkuanen Joas ed amin da may totoon dinmagod sikato, “Itatalindeg yoy Baal? Iyaagel yo? Napatey so siopaman a mangitalindeg ed sikato kasakbayan ya onsabiy kabwasan. No tuan dios si Baal, paolyan yon iyagel toy sikaton dili. Say altar to so ageba.”

Exodo 32:20

Inala to may bakan ginawa ra, tinonaw to, tinemek ton singa pulbo, inlauk tod danum, insan to impainom ed saray Israelita.

Genesis 31:19

Linmay Laban a mangatlid saray karniro to; et nen andid man ed abung, tinakew nen Raquel iray talintaoy diriyos na pamilya tan kayaryan nen ama to.

Genesis 31:30

Kabat kon tinmaynan ka, lapud labay mo lay makasempet ed abung mo, balet akin et tinakew mo ray diriyos ko?”

Saray Huis 18:16

Legan to ya, manalalagey ed puirta ira may anem a lasus a sondalo na Dan ya akaparaan a mibakal.

Saray Huis 18:18

Nen linmad abung nen Micaya ira may limaran lalaki tan inala da ra may talintao tan ipod, tinepet na samay pari ed sikara, “Antoy gagawaen yo?”

1 Samuel 19:13

Inala nen Micol so talintaoy dios a para abung, imparokul tod katri, inyan tod olowan to so danganan a bagoy karniro, tan sinakbungan toy abel.

Isaias 41:29

Andi-kana ra yan amin a diriyos: anggapon balut so nagawaan da— makapoy tan anggapoy pakayari ira yan talintaoy diriyos.”

Ezekiel 21:21

Manaalagey so ari na Babilonia diad abay na samay tanda ed nansangaan na dalan. Diad pangamta to no dinay dalanen to, ibuyandak to ray pana to, ipapanon tod saray talintaoy diriyos to; sosokayan toy altey na nibagat ya ayep.

Oseas 3:4

Diad singa onya, saray totood Israel mabaybayag iran mambilay ya anggapoy ari odino pangulo, anggapo ray bagat odino masanton lusek, anggapoy talintaoy diriyos odino imahin ya onkanad panagparles.