Saray Huis 18:10 - Maung A Balita Biblia

¹⁰ No makakar kayod man naimano yo ya anggapoy isisip dan dogpaan ira na anggan siopa. Maawang iman a bansa, tan walan amiy nakaukolan na saray totoo. Inter na Dios iman a dalin ed sikayo.”

Maung a Balita Biblia

¹⁰ No makakar kayod man naimano yo ya anggapoy isisip dan dogpaan ira na anggan siopa. Maawang iman a bansa, tan walan amiy nakaukolan na saray totoo. Inter na Dios iman a dalin ed sikayo.

Saray Huis 18:10 Referans Kwoze

Saray Huis 18:27

Kayarin inala na saramay kabyangay tribu nen Dan imay pari tan saramay bengatlan ginawa nen Micaya, linma ran dimogpa ed Lais, samay baley a mareen so panagbilay na saray totoo to, tan walad patar a singa Betrehob. Pinapatey da ray totood man tan pinoolan day baley. Anggapoy mangyagel ed sikara, lapud arawi so Lais ed Sidon, tan anggapoy pipiolupan dan arum a totoo. Pinasimbalon impaalagey na saramay kabyangay tribu nen Dan tan nanayam irad man.

Saray Huis 18:7

Kanyan tinmaynan ira may limaran lalaki tan linma rad baley na Lais. Anengneng da no panon a saray totood man et manaayam iran arawid kaatapan a singa saray Sidonio. Mareen so panagbilay da, anggapo ray mansasangsangan odino mansisiblangan; walad sikaray amin a nakaukolan da. Arawid sikara iray Sidonio tan anggapoy pasisiglaotan dad arum a totoo.

1 Timoteo 6:17

Bilin mo ray mamayaman ed sayan mundo ya ag ira mapasirayew, tan ag ira manmatalek ed ag mansiansian kayamanan, no ag ingen manmatalek irad Dios a mangiiter a mabonbonluk ed sikatayo na amin a bengatlan panliketan tayo.

Ezekiel 20:6

Diad saman ya agew insipan kod sikara ya ipaway ko rad Egipto tan iyakar ko ra ed dalin a pinilik a para sikara, dalin a mayaman, mataba, tan sankaabigan ed amin a dalin.

Josue 6:16

Diad kumapiton liber da, nen kuan lan paknulen na saramay papari iray trumpita, ingganggan nen Josue iray totoo to ya oneyag ira, tan kuanto, “Inter lad sikayo na Katawan so siudad!

Deuteronomio 4:1

Insan inkuanen Moises ed saray totoo, “Onur yo ray amin a ganggan ya ibabangat kod sikayo, et mansiansia kayon mambilay tan sakopen yo so dalin ya iter ed sikayo na Katawan a Dios na saray lalaki yo.

Deuteronomio 2:29

ombaliw ed Ilog na Jordan ya anggad pakasabi mid dalin ya iter ed sikami na Katawan a Dios mi. Saray kabyangay boleg nen Esau a manaayam ed Edom, tan saray Moabita a manaayam ed Ar et inabuloyan da kamin dinmalan ed dalin da.’

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Saray Huis 18:9

“Sigi sirin,” ebat da ra may limara, “dogpaan tayo so Lais. Anengneng mi man a dalin, tan agaylay abig to. Ag kayo dia manaayam ya anggapoy gagawaen. Ganatan tayo so onla tan samsamen tayo man a dalin!

Saray Huis 18:11

Kanyan tinaynan day Zora tan Estaol iray anem a lasus a lalaki a kabyangan na tribu nen Dan. Linma ran sipaparaan a mibakal

Josue 2:23

Insan saramay duaran ispia inmakseb ira manlapud kapokdulan, binaliw day ilog, tan pinmawil irad kinen Josue. Imbaga rad sikato so amin ya agawa,

Josue 2:24

tan inkuanda, “Anggapoy duaruwa min say Katawan inter tod sikatayo man ya intiron bansa. Natatakot ed sikatayo iray amin a totood man.”