Saray Huis 17:10 - Maung A Balita Biblia

¹⁰ Inkuanen Micaya, “Manayam ka diad siak. Sikay magmaliw a sumisimbawak tan parik, et itdan ta ka, kapag sakey taon, na samploran pilak a kuarta, pigaran kawes, tan say kanen mo.”

Maung a Balita Biblia

¹⁰ Inkuanen Micaya, Manayam ka diad siak. Sikay magmaliw a sumisimbawak tan parik, et itdan ta ka, kapag sakey taon, na samploran pilak a kuarta, pigaran kawes, tan say kanen mo.

Saray Huis 17:10 Referans Kwoze

1 Pedro 5:2

pastolan yoy poluk da ray karniro na Dios ya impalima tod sikayo. Asikaso yon mabolbolus onung ed linaway Dios, aliwan diad pasootan. Gawa yoy kimey yo, aliwa labat a lapud pangawat yoy bayar, no ag ingen lapud liket yon manlingkur.

1 Timoteo 6:10

Ta say panangarod kuarta et lamut na amin a kaogsan. Wala ray nampipilalek a makatipoy kayamanan et sikato yay makasengeg na inarawian dad pananisia, tan adoyuk-doyuk so puso ra na amayamay a kaermenan.

Juan 12:6

Inkuanto ya, aliwan lapud panangasi tod saray mairap-bilay, no ag ingen lapud sikato et matakew. Sikatoy managegnay kuarta et angaala na natitipon.

Mateo 26:15

tan inkuanto, “Antoy iter yod siak no iyawat koy Jesus ed sikayo?” Imbilangan day talomplon kuartan pilak tan inter dad sikato.

Ezekiel 13:19

Papabaingan yo ak ed arap na saray totook, pian makala kayo labat na sankaakup a sibada tan pigaran tinapay. Papateyen yo ray totoon ag da kanepegay ompatey, tan pansiasiansiaen yon mabilay iray totoon ag da kanepegay mambilay. Kanyan titilaan yo ray totook, et manisia rad sikayo.”

Isaias 22:21

Isolung kod sikatoy kawes tan balkes na opisyal ya akasolung ed sika tan iter kod sikatoy amin a pakayarin walad sika. Magmaliw a singa sakey ya ama ed saray totood Jerusalem tan Juda.

Say Libro nen Job 29:16

Singa ak ama ed saray mairap-bilay, tan akigampi ak ed saray sangkailin walay gunigon.

2 Saray Arari 13:14

Mapalaloy sakit nen Eliseo tan ipatey to la; binisita nen Ari Jehoas na Israel. Nanakis ed abay nen Eliseo tan inkuanto, “Ama, O ama! Sikay makapanyarin manangyagel na Israel!”

2 Saray Arari 6:21

Nen anengneng na ari ed Israel iray Siriano, tinepet tod kinen Eliseo, “Kagalang a propita, pateyen ko ra? Pateyen ko la ra?”

1 Samuel 2:36

Siopaman ed saray kabyangay pamilyam so mansiansian mabilay et nakaukolan ya onlan mikerew ed sayan pari na kuarta tan say nakan, tan onkerew na abuloy ya ontulong ed saray papari, pian nawalaan na pambilay.’”

Saray Huis 17:11

Inmabuloy imay tobun-balon Levita ed kinen Micaya, kanyan nagmaliw a singa sakey ed saray anak nen Micaya.

Genesis 45:8

Kanyan aliwan sikayo so angibakid siak dia, no ag ta say Dios. Ginawa to ak a sankatageyan ya opisyal na ari. Siak to inkargado ed intiron bansa to; siak so manoley ed intiron Egipto.

Saray Huis 17:9

Tinepet ed sikato nen Micaya, “Nanlapwan mo?” Inmebat, “Sakey ak a Levita a taga Betlehem na Juda. Manaanap ak na pasen a panayaman ko.”

Saray Huis 18:4

Inmebat, “Walay paknaan min dua nen Micaya a bayaran to ak diad pampaparik ed sikato.”

2 Saray Arari 2:12

Anengneng nen Eliseo so agawa tan ineyag tod kinen Elias, “Ama, ama! Makapanyarin manangyagel na Israel!” Insan ag to la anengneng a balut si Elias. Diad ermen nen Eliseo, pinilat ton nankadwa so kolibemben to.