Saray Huis 16:7 - Maung A Balita Biblia

⁷ Inmebat si Samson, “No baluren da ak na pitoran balon lobir na pana ya ag ira impamaga, magmaliw a singa biskeg na arum a too so biskeg ko.”

Maung a Balita Biblia

⁷ Inmebat si Samson, No baluren da ak na pitoran balon lobir na pana ya ag ira impamaga, magmaliw a singa biskeg na arum a too so biskeg ko.

Saray Huis 16:7 Referans Kwoze

COLOSAS 3:9

Ag ki met la mantitilaan, ta sinalatan yo lay daan ya inkatoo, pati saray kagagawa to,

TAGA GALACIA 6:7

Ag yo titilaay sikayon dili: anggapoy makapantila ed Dios. No antoy intanem na too, sikato met so anien to.

Saray Taga Roma 3:8

Akin et ag tayo ikuan sirin, “Manggawa itayoy kaogsan, pian mambungay kamaungan”? Diad pamaoges na saray arum ed sikami, inkuanda ya imbaga mi ya kono! Say dusan kanepegan da so niiter ed sikara.

Probirbio 17:7

Mantitila ray totoon gagalangen, tan anggapoy makabaliksan ya ibabaga na saray makulang-kulang.

Probirbio 12:19

Antikey so bilay na tila, balet mansiansiad anggad angga so katwaan.

1 Samuel 27:10

a manepet ed sikato, “Iner so nandogpaan mo natan?” Si David ibaga tod sikaton nanlapud sagur na Juda, odino diad lugar na tribu nen Jerameel, odino diad lugar a panaayaman da ray Cineo.

1 Samuel 19:17

Tinepet nen Saul ed kinen Micol, “Akin et pinalikdo mo ak diad impamabatik mod kalaban ko?” Inmebat si Micol, “Imbaga tod siak a pateyen to ak no ag ko tulongan ya ombatik.”

Saray Huis 16:10

Inkuanen Delila ed kinen Samson, “Lulukoen mo ak, ta ag mo ibabagad siak so tua. Ibagam la kari no panon kan nabalur na siopaman.”

Saray Huis 16:6

Kanyan inkuanen Delila ed kinen Samson, “Ibagam pad siak no akin et mabisbiskeg ka. No walay malabay a mamalur ed sika tan pagmaliwen to kan anggapoy nagawaan, antoy gawaen to?”

Saray Huis 16:8

Kanyan saramay arari na saray Filisteo ed kinen Delila na pitoran lobir na pana ya ag ira impamaga, insan to binalur si Samson.

Saray Huis 16:9

Impanalagar nen Delila iray pigaran lalaki diad sakey a kuarto, nen abalur to la inmeyag, “Samson! Nitan la ray Filisteo!” Balet pinoltut to ra may lobir a singa labat tinebey ya asinit na apoy. Kanyan ag da ni amta so maamut a panlalapway biskeg to.