Saray Huis 16:24 - Maung A Balita Biblia

^24-25 Manliliket ira tan kuanda, “Tawag yo diay Samson, ta paliketen to itayo!” Nen impaway dad prisowan si Samson, ingganggan dan paliketen to ra tan pinaalagey dad nanleetan na saray lusek. Nen anengneng na saray totoo, nankanta ray pangidayew dad dios da. “Say dios tayo impanalo to itayo ed kalaban tayo a nandederal na dalin tayo tan nampapatey na amayamay ed sikatayo!”

Maung a Balita Biblia

^24-25 Manliliket ira tan kuanda, Tawag yo diay Samson, ta paliketen to itayo! Nen impaway dad Prisowan si Samson, ingganggan dan paliketen to tan pinaalagey dad nanleetan na saray lusek. Nen anengneng na saray totoo, nankanta ray pangidayew dad dios da. Say dios tayo impanalo to itayo ed kalaban tayo a nandederal na dalin tayo tan nampapatey na amayamay ed sikatayo!

Saray Huis 16:24 Referans Kwoze

Daniel 5:4

tan indadayew da ray diriyos a balituk, pilak, gansa, balatyang, kiew, tan bato.

Puyan 11:10

Manliket ed satan ya amin iray katoowan ed mundo lapud impatey da ra yan dua. Mansilibra ra tan maniiteran iray rigalo, ta sarayan duan propita et ontan lay kairapan ya inter dad katoowan ed tapew na dalin.

Habacuc 1:16

Igagalang da ni ingen iray iket da tan mangibabagat irad sikara, lapud saray iket da so panlalapwan na saray sankaabigan a nakaukolan dad bilay.

Daniel 5:23

Ginawam iray sumpad Katawan na tawen, ta impaalam ira may kupa tan losur a nala ed Timplo to. Naniinoman yo, sika, saray manonan opisyal mo, saray asawam, tan saray iyaamung mon bibii tan inggalang mo ray diriyos a balituk, pilak, gansa, balatyang, kiew, tan bato—saray diriyos ya ag ira makanengneng odino makadngel tan anggapoy amta ran alu. Balet ag mo pinagalangan so Dios a walad lima toy bilay mo tan walad silong na pakayari toy amin a gagawaen mo.

Ezekiel 20:14

Balet ag ko ginawa, bangta makapangyepas iman na kagalangan na ngaran ko diad saray bansa ya akanengneng ed siak ya angipaway ed Israel dimad Egipto.

Isaias 37:20

Kanyan natan, Katawan a Dios mi, iyagel mo kami pad saray taga Asiria, pian naamtaan na amin da ray bansa ed intiron mundo a bukbukor mo so Katawan a Dios.”

1 Saray Awaran 10:9

Pinotut day olo nen Saul tan inala ray armas to, insan ira angibaki ed Filistia na pigaran totoo a mangibagay maung a balita ed saray talintaoy diriyos da tan diad saray totoo ra; impaawit dad sikara imay olo tan saramay armas nen Saul.

1 Samuel 31:9

Pinotut day olo nan Saul tan inala ray armas to, insan ira angibaki ed Filistia na pigaran totoo a mangibagay maung a balita ed saray talintaoy diriyos da tan diad saray totoo ra; impaawit dad sikara imay olo tan saramay armas nen Saul.

Saray Huis 15:16

Kanyan kinanta nen Samson, “Diad panamegley na pokel na saray pangal na asno, pinatey koy lalakin sanlibo; Diad panamegley na pokel na saray pangal na asno, impabubuntonan ko.”

Saray Huis 15:8

Mapalaloy indogpa tod sikara, et amayamay so pinatey to. Insan linman nanayam ed ongib a walad Etam.

Deuteronomio 32:27

Balet ag ko nayarin iyabuloy a mampasirayew iray kalaban da diad pangibaga ran tinalo da ray totook, anta siak a dili so amatalod sikara.’

Saray Salmo 97:7

Napepelag ed kababaingan ya amin iray mangigagalang ed saray talintaoy diriyos; mandadakmomo ya amin iray diriyos ed Katawan.

Saray Huis 15:14

Kasabiy tod Lehi, mambabtik a dinmagod sikato iray Filisteo tan ineeyagan da. Kabebekta pinabiskeg na ispiritu na Katawan, et pinopoltut ton singa apoolan a tinebey ira may lobir ya akabalur ed saray taklay to.