Saray Huis 16:23 - Maung A Balita Biblia

²³ Nantitipon a mansilibra iray arari na Filistia tan mangisaklang iray baleg a bagat ed dios dan Dagon. Nankanta ra, “Impatalo na dios mi so kalaban min Samson!”

Maung a Balita Biblia

²³ Nantitipon a mansilibra iray arari na Filistia tan mangisaklang iray baleg a bagat ed dios dan Dagon. Nankanta ra, Impatalo na dios mi so kalaban min Samson!

Saray Huis 16:23 Referans Kwoze

Probirbio 24:17

Ag mo panliliketan so kaderal na kalaban mo, tan ag ka manggagayaga no natumba.

Mikias 4:5

Mangigagalang tan manlilingkur ed dilin dios to so balang bansa, balet mangigalang tan manlingkur itayod Katawan a Dios tayo diad ando lan ando.

Jeremias 2:11

Wala tay bansan sinalatan to ray diriyos to, anggaman ya aliwan petepeteg iray diriyos da? Balet insalat ak na saray totook, say Dios ya angiter ed sikara na kagalangan; insalat da ak ed saray diriyos ya anggapoy nagawaan dan para sikara.

1 Saray Awaran 10:10

Saramay armas to inyan dad dalem na sakey a timplo na saray diriyos da, tan samay olo to insabit dad dalem na timplo na dios dan Dagon.

1 CORINTO 10:20

Andi! Say labay kon ibaga: saray Hintil mangibabagat iray kakanen diad saray dimonyo, aliwan diad Dios, et ag ko labay a mikasakey kayod saray dimonyo.

Saray Huis 16:22

Balet ginmapon tinmubo so buek to.

1 Samuel 31:9

Pinotut day olo nan Saul tan inala ray armas to, insan ira angibaki ed Filistia na pigaran totoo a mangibagay maung a balita ed saray talintaoy diriyos da tan diad saray totoo ra; impaawit dad sikara imay olo tan saramay armas nen Saul.