Saray Huis 16:21 - Maung A Balita Biblia

²¹ Dinakep na saray Filisteo si Samson tan sinokit da ray mata to. Inyakar da ed Gaza, ginolunggolungan da na gansa, insan da impankimey ed gilingan diad dalem na prisowan.

Maung a Balita Biblia

²¹ Dinakep na saray Filisteo si Samson tan sinokit da ray mata to. Inyakar da ed Gaza, ginolunggolungan da na gansa, insan da impankimey ed gilingan diad dalem na prisowan.

Saray Huis 16:21 Referans Kwoze

Probirbio 2:19

Siopamay ombisitad sikato et ag la makapawil; ag to la natonton so dalan a mamaarap ed bilay.

Mateo 24:41

Walay duaran bibiin manggigiling; naalay sakey tan natilak so sakey.

Isaias 47:2

Patelek moy gilingan! Manggiling kay arina! Ekal moy pandung mo! Lakseb moy marakep a kawes mo! Itagey moy paldam diad ibaliw mod saray kolus.

Probirbio 14:14

Saray totoon maoges anien day bayar na kaogsan da. Saray totoon matonung natumangan ira, lapud saray gawgawa ra.

Exodo 11:5

tan ompatey so balang pangolowan a lakin Egipsio, manlapud pangulowan a lakin anak na ari, a sikatoy nepeg ya onsalat a manari, ya anggad lakin anak na aripen a biin managgiling na trigo. Ompatey met ya amin iray besag ya anak na amin ya ayep.

Probirbio 5:22

Sakey a patit iray kasalanan na maoges a too. Naerel so maoges a too ed iket na dilin kasalanan to.

Saray Salmo 149:8

pian nabalor day golonggolong iray arari, tan saray pangulo ra na balatyang a golonggolong;

2 Saray Awaran 33:11

Kanyan inabuloyan na Katawan a looban na saray pangulo da ray sondalo na Asiria so Juda. Adakep day Manases, kinawetan da, binalur da na gansan golunggolung, insan da inawit ed Babilonia.

2 Saray Arari 25:7

Diad arap nen Sedekias so amateyan ed saray anak ton lalaki; insan impasokit nen Nabucodonosor iray mata to, impagolunggolungan to, tan impaiyakar tod Babilonia.

Saray Bilang 16:14

Talagan ag mo kami inyakar ed mataban dalin odino initdan na kaalogan tan kaubasan, et natan labay mo kami nin palikdoen. Ag kami ondago!”

Saray Huis 16:20

Insan inmeyag, “Samson! Nitan la ray Filisteo!” Binmangon tan ninunot to, “Makaokpus ak tan nabolus ak a singa gendat.” Ag to amta a tinaynan la na Katawan.

Saray Huis 16:22

Balet ginmapon tinmubo so buek to.

Jeremias 39:7

Insan to impasokit iray mata nen Sedekias, tan to impagulonggulongan ya iyakar ed Babilonia.

Saray Tagleey 5:13

Apasoot a manggiling iray lalakin tobun-balo tayo; mandokingking a mansasakbat na ambelat a kiew iray ogogaw a lalaki.