Saray Huis 16:18 - Maung A Balita Biblia

¹⁸ Nen abirbir nen Delila ya imbaga lad sikato nen Samson so tua, impaikuantod saramay Filisteon arari, “Pawil ki ni dian maminsan. Imbaga to lad siak so tua.” Sinmabi ra tan sankaawit da la may kuartan insipan dan iter.

Maung a Balita Biblia

¹⁸ Nen abirbir nen Delila ya imbaga lad sikato nen Samson so tua, impaikuantod saramay Filisteon arari, Pawil ki ni dian maminsan. Imbaga to lad siak so tua. Sinmabi ra tan sankaawit da la may kuartan insipan dan iter.

Saray Huis 16:18 Referans Kwoze

1 Timoteo 6:10

Ta say panangarod kuarta et lamut na amin a kaogsan. Wala ray nampipilalek a makatipoy kayamanan et sikato yay makasengeg na inarawian dad pananisia, tan adoyuk-doyuk so puso ra na amayamay a kaermenan.

Mateo 26:15

tan inkuanto, “Antoy iter yod siak no iyawat koy Jesus ed sikayo?” Imbilangan day talomplon kuartan pilak tan inter dad sikato.

Saray Huis 16:5

Linmad samay bii iray limaran arari na saray Filisteo tan kuanda, “Tanggoyur moy Samson ya ibaga tod sika no akin et mabisbiskeg tan no panon min natalo, nabalur, tan napagmaliw min anggapo lay nagawaan to. Balang sakey ed sikami et itdan mi kad satan na sanlibo tan sanlasus a kuartan pilak.”

TAGA-EFESO 5:5

Ag yo panduaduaruwaan ya anggapon balut so pinanabang ed Panarian nen Cristo tan say Dios iray totoon mikakaloguran, manggagaway mabanday, tan maagom (ta say kinaagom et sakey a klasiy panangigalang ed dios).

Probirbio 18:8

Masamsamit a singa kakanen so talabutob—labalabay tayon akmonen!

Saray Salmo 62:9

Singa labat ingas iray totoo; anggapoy kana da ray totoon walad abeba odino atagey a kipapasen. Pantitipon mo ran simbangen et anggapoy belat da; anlemew ni ra nen say ingas.

1 Saray Arari 21:20

Nen anengneng nen Acab si Elias inkuanto, “Nalmo mo ak lamet, kalaban ko?” “On, nalmo ta ka lamet,” ebat nen Elias. “Sigput so panggagawam na kaogsan ed arap na Katawan.

Saray Bilang 22:7

Kanyan saray pangulo da ray Moabita tan saray Madianita inawit da so bayar na samba, linma ra ed kinen Balaam, tan imbaga rad sikato so papaibaga nen Balak.

Saray Huis 16:17

kanyan imbaga toy tua, “Ag nin balut apotutan so buek ko,” inkuanto. “Nisaklang ak ed Dios a sakey a Nazareo nanlapu lad inkianak ko. No napotutan so buek ko, naandi so biskeg ko tan magmaliw a singa biskeg na arum a too so biskeg ko.”

Saray Huis 16:19

Inayat nen Delila a makaogip si Samson ed akwalan to, insan anawag na sakey a laki ya amotut na pitoran lapir na buek nen Samson. Ginapwan nen Delila a pairapen si Samson, ta naandi lay biskeg to.