Saray Huis 16:10 - Maung A Balita Biblia

¹⁰ Inkuanen Delila ed kinen Samson, “Lulukoen mo ak, ta ag mo ibabagad siak so tua. Ibagam la kari no panon kan nabalur na siopaman.”

Maung a Balita Biblia

¹⁰ Inkuanen Delila ed kinen Samson, Lulukoen mo ak, ta ag mo ibabagad siak so tua. Ibagam la kari no panon kan nabalur na siopaman.

Saray Huis 16:10 Referans Kwoze

Saray Huis 16:13

Inkuanen Delila lamet ed kinen Samson, “Lulukoen mo ak ni, ta ag mo ibabagay tua ed siak. Ibagam pa la kari no panoy pakabalur na siopaman ed sika.” Inkuanen Samson ed sikato, “No ilagam ed panaglagaay abel so pitoran lapir na buek ko, insan mo sigpitan na palpal, magmaliw a singa biskeg na arum a too so biskeg ko.”

Lucas 22:48

Inkuanen Jesus, “Judas, pantraidoran moy Anak na Too diad panamegley na angub, anto?”

Ezekiel 33:31

Kanyan saray totook mantitipon iran ondengel na ibagam, balet ag da susumpalen so ibagam a gawaen da. Walad bibil da ray salitan napnoy aro, balet itutuloy day panagagom da.

Probirbio 24:28

Ag ka mantatasi na sumpad kaparam a too likud no walay makasengeg, odino mangibabaga na saray bengatlan makapalikdon nipaakar ed sikato.

Saray Huis 16:7

Inmebat si Samson, “No baluren da ak na pitoran balon lobir na pana ya ag ira impamaga, magmaliw a singa biskeg na arum a too so biskeg ko.”

Saray Huis 16:9

Impanalagar nen Delila iray pigaran lalaki diad sakey a kuarto, nen abalur to la inmeyag, “Samson! Nitan la ray Filisteo!” Balet pinoltut to ra may lobir a singa labat tinebey ya asinit na apoy. Kanyan ag da ni amta so maamut a panlalapway biskeg to.

Saray Huis 16:11

Inkuantod sikato, “No baluren da ak na balon lobir ya ag nin balut inkana, magmaliw a singa biskeg na arum a too so biskeg ko.”

Nehemias 6:4

Amipat da ak a nampabakian, balet nampara so inebat kod sikara.