Saray Huis 15:19 - Maung A Balita Biblia

¹⁹ Insan nilokasan na Dios so nibobun a dalin diman ed Lehi, et pinmaway dimay danum. Inminom si Samson tan binmiskeg lamet. Kanyan samay sobul atawag na Hakkore; wadman ni ya anggad natan.

Maung a Balita Biblia

¹⁹ Insan nilokasan na Dios so nibobun a dalin diman ed Lehi, et pinmaway dimay danum. Inminom si Samson tan binmiskeg lamet. Kanyan samay sobul atawag na Hakkore; wadman ni ya anggad natan.

Saray Huis 15:19 Referans Kwoze

Isaias 44:3

“Itdan ko na danum so amagamagan dalin tan paagosen ko so kinmelang a dalin na sobul na danum. Ikalbok ed saray anak mo so ispirituk; iter kod saray kabyangay boleg mo so bindision ko.

Genesis 45:27

Balet nen asalita rad sikaton amin iray imbaga nen Jose ed sikara, tan anengneng to ra may kariton ya impaawit nen Jose a loganan to, kinmasil so liknaan to.

Saray Salmo 34:6

Ontatawag ed sikato iray doroka, et eebatan to ra; ilalaban to ra ed amin a gunigon da.

Isaias 40:29

Pabibiskegen to ray makapoy tan saray naksawan.

Isaias 40:26

Tangay kayo pa ed tawen! Siopay amalsad saray sankanengneng yon bitewen? Say mangiwawanwan ed sikaran singa saray sondalo et amta toy karakel da tan tatawagen tod ngaran so balang sakey ed sikara. Ontan lay kabaleg so pakayari to— anggapoy nabalang ya anggan sakey ed sikara!

Saray Salmo 120:1

Nen wala ak ed gunigon tinmawag ak ed Katawan, et inebatan to ak.

1 Samuel 30:12

initdan da met na pigaran impamagan bungay igos tan duaran monggol a pasas. Kayari ton angan, pinmawil so gendat a biskeg to; diad imbeneg a taloy agew tan taloy labi ag balut angan o inminom.

Exodo 17:15

Amaalagey na altar si Moises tan tinawag to na “Say Katawan so Bandirak.”

Genesis 30:30

Say daiset a walad sikayo kasakbayay insabik et dinmakerakel, tan binindisionan kayoy Katawan lapud siak. Natan sinmabi lay panaon a nunoten ko lay pankaabigan na pamilyak.”

Genesis 28:19

Betel so impangingaran tod saman a pasen. (Nen saman, Luz so ngaran to man a baley.)

Genesis 16:13

Tinepet nen Agar ed sikaton dili, “Anengneng ko tan talaga so Dios, et mabilay ak ni?” Inngaran to sirin so Katawan ya akisalitad sikato na, “Dios a Mannenengneng.”

Saray Bilang 20:11

Insan inyatagey nen Moises imay baston tan pinekpek ton amidua imay baton dampay, et pinmaway so manwawan sobul na danum. Inmiinom iray amin a totoo tan amin ya ayayep.

Saray Huis 15:9

Sinmabi ray Filisteo tan nankampo rad Juda tan dinogpaan day baley na Lehi.

Saray Salmo 50:15

Tawag kayod siak no onsabiy gunigon; ilaban ta kayo, et idayew yo ak.”

Saray Salmo 110:7

Say ari oninom ed sobul a walad gilig na dalan, tan no binmiskeg la, onalagey a manalo.