Saray Huis 15:14 - Maung A Balita Biblia

¹⁴ Kasabiy tod Lehi, mambabtik a dinmagod sikato iray Filisteo tan ineeyagan da. Kabebekta pinabiskeg na ispiritu na Katawan, et pinopoltut ton singa apoolan a tinebey ira may lobir ya akabalur ed saray taklay to.

Maung a Balita Biblia

¹⁴ Kasabiy tod Lehi, mambabtik a dinmagod sikato iray Filisteo tan ineeyagan da. Kabebekta pinabiskeg na ispiritu na Katawan, et pinopoltut ton singa apoolan a tinebey ira may lobir ya akabalur ed saray taklay to.

Saray Huis 15:14 Referans Kwoze

Saray Huis 14:19

Kabebekta pinabiskeg na ispiritu na Katawan si Samson, et linmad Askelon a dimay amateyan toy talomplon lalaki tan inaala to ray kawes da, insan to ra inter ed saramay akaebat na pabitla to. Kayari to, sinmempet a mapalaloy petang na olo to lapud samay agawa.

Saray Salmo 118:11

Niliktub da ak ed amin a dapag, balet pinapatey ko ra diad panamegley na pakayariy Katawan!

1 Samuel 17:35

osilan kon dogpaan, tan alaen ko may karnirod sangi to. No say lion o uso et poliktaran to ak a labanan, singkaten kod beklew tan pekpeken ko ya anggad ompatey.

1 Samuel 11:6

Nen nadngel ya nen Saul, linmoob ed sikato so ispiritu na Dios tan pinmetang a maung so olo to.

Saray Huis 14:6

Kabebekta pinabiskeg na ispiritu na Katawan si Samson, et diad panamegley na saray lima to biningbingkas to may lion a singa labat nambibingkas na kilaw na kanding. Balet ag to imbagad saramay ateng to so ginawa to.

Saray Huis 3:10

Linmoob ed sikato so ispiritu na Katawan, tan nagmaliw a pangulo da ray Israelita. Akibakal si Otniel, et impanalo na Katawan ed ari na Mesopotamia.

FILIPOS 4:3

Kekerewen ko met ed sika, matoor kon kaiba, a tulongan mo pa ra yan bibii. Tinmulong pa ni met irad siak diad impangikayat na Maung a Balita, a kaiba ray Clemente tan arum ni ran kakimeyan ko. Akasulat so kangaranan da ed libro na bilay.

Zacarias 4:6

Samay anghil imbaga tod kinen Zorobabel ira yan salita na Katawan: “Mampalabo ka, aliwan lapud pakapanyari na saray sondalo odino lapud dilin biskeg mo, no ag ingen lapud ispirituk.

Mikias 7:8

Anggapoy makasengeg na panelekelek ed sikami na saray kalaban mi. Atumba kami, balet ombangon kami lamlamang. Wala kamid kabilongetan natan, balet itdan kami na Katawan na liwawa.

Saray Salmo 18:34

Babangatan to ak ed pibabakal, pian nayarian kon ikanay sankabiskegan a pana.

Say Libro nen Job 20:5

anggapoy maoges a toon nambayag so impanliket to.

1 Samuel 4:5

Nen sinmabiy Kaban na Sipanan, ayegyeg so dalin diad kasil na maliket ya impaneyag-eyag da ray Israelita.

Saray Huis 16:24

Manliliket ira tan kuanda, “Tawag yo diay Samson, ta paliketen to itayo!” Nen impaway dad prisowan si Samson, ingganggan dan paliketen to ra tan pinaalagey dad nanleetan na saray lusek. Nen anengneng na saray totoo, nankanta ray pangidayew dad dios da. “Say dios tayo impanalo to itayo ed kalaban tayo a nandederal na dalin tayo tan nampapatey na amayamay ed sikatayo!”

Saray Huis 16:12

Kanyan angalay Delila na pigaran balon lobir, insan to binalur si Samson. Kabebekta inmeyag, “Samson! Nitan la ray Filisteo!” Manaalagar ed sananey a kuarto ira may lalaki. Balet singa tinebey a pinopoltut to ra may lobir ed taklay to.

Saray Huis 16:9

Impanalagar nen Delila iray pigaran lalaki diad sakey a kuarto, nen abalur to la inmeyag, “Samson! Nitan la ray Filisteo!” Balet pinoltut to ra may lobir a singa labat tinebey ya asinit na apoy. Kanyan ag da ni amta so maamut a panlalapway biskeg to.

Saray Huis 5:30

“Naabala ra labat a manaanap na nasamsam da a panaapagan da, sakey o duaran bibii so para sakey a sondalo, marakep ya abel so para si Sisara, abordaan ya abel so para kolibemben na riyna.”

Exodo 14:5

Nen nibagad ari na Egipto a tinmaynan iray Israelita, angoman na kanunotan a pati saray opisyal to tan kuanda, “Antoy ginawa tayo? Pinaolyan tayon tinmaynan iray Israelita, et naandi ra la laingen ya ariripen tayo.”

Exodo 14:3

Nabaloan na ari a saray Israelita et manliliber-liber ira labat ed maawang ya alog tan akolung ira na kalawakan.

Saray Huis 15:13

“Sigi,” kuanda, “baluren mi ka labat tan ipalima mi kad sikara. Ag mi ka pateyen.” Kanyan binalur da na duaran balon lobir tan inlasur dan nanlapud samay ongib.

Saray Huis 15:9

Sinmabi ray Filisteo tan nankampo rad Juda tan dinogpaan day baley na Lehi.

1 Samuel 10:6

Biglad satan ya onloob ed sika so ispiritu na Katawan; mikasakey kan manggawa na gagawaen da, tan magmaliw kan doma a too.

1 Samuel 10:10

Nen akasabid Gabaa si Saul tan samay aripen to, sakey ya olup na propita so angabet ed kinen Saul. Biglan linmoob ed sikatoy ispiritu na Dios, tan akikasakey ed gagawaen da.