Saray Huis 14:3 - Maung A Balita Biblia

³ Balet tinepet ed sikato di ama tan ina to, “Akin et kalkalmom a dimay pangalaan moy asawaen mo ed saraman a paganon Filisteo? Ag ka ta makalmoy bii ed boleg tayo, diad saray kadalaan tayo?” Balet inkuanen Samson ed kinen ama to, “Sikato so labay kon alaen yo a para siak. Sikatoy naibegan ko.”

Maung a Balita Biblia

³ Balet tinepet ed sikato di ama tan ina to, Akin et kalkalmom a dimay pangalaan moy asawaen mo ed saraman a paganon Filisteo? Ag ka ta makalmoy bii ed boleg tayo, diad saray kadalaan tayo? Balet inkuanen Samson ed kinen ama to, Sikato so labay kon alaen yo a para siak. Sikatoy naibegan ko.

Saray Huis 14:3 Referans Kwoze

1 Samuel 17:36

Akapatey ak la na saray lion tan saray uso, tan pateyen ko met iman a Filisteo a manasagyat a milaban iray sondalo na mabilay a Dios.

Saray Huis 15:18

Insan napnapgaan si Samson, kanyan tinmawag ed Katawan tan kuanto, “Impanalo mo ak na baleg; natan ompatey ak, lapud inkapgaan tan, lapud nadakep ak na sarayan paganon Filisteo?”

2 Samuel 1:20

Ag yo ya ibabalita ed Gat odino diad saray dalan na Askelon. Ag yo panliliketen iray bibiin taga Filistia; ag yo panggagayagaen iray bibiin anak na saray pagano.

1 Samuel 31:4

Inkuantod balolakin umaawit na armas to, “Oyus moy ispadam tan patey mo ak, ompan panggalaw-galawan da ak ira yan anggapoy Dios.” Balet ag ginawa na samay balolaki, ta mapalaloy takot to. Kanyan inala nen Saul so dilin ispada to, insan to intakbay laman to ed samay ispada.

1 Samuel 17:26

Tinepet nen David ed saray totoon asingger ed sikato, “Antoy nagamuran na toon makapatey ed sayan Filisteo tan makapangipaliis ed kababaingan na Israel? Ta siopa ta yan paganon Filisteo et sagyaten ton milaban iray sondalo na mabilay a Dios?”

1 Samuel 14:6

Inkuanen Jonatan ed samay balolaki, “Onla tad kampo da ray paganon Filisteo. Tulongan ita angangko na Katawan; no tulongan to ta, anggapoy antokaman a makasbel ed sikato diad pangiter tod sikatay pananalo, anggaman a dagdaiset ita.”

Genesis 34:14

Inkuandad kinen Sikem, “Ag mi iyabuloy a miasaway agi mi ed sakey a lakin ag asegat; makapabaing yad sikami.

Genesis 13:8

Inkuanen Abram ed kinen Lot, “Sankanayon ita, tan ag nepeg a mansebeg iray totook tan saray totoom.

Genesis 21:27

Insan initdan nen Abraham si Abimelec na pigaran karniro tan baka, tan nampaknaan iran dua.

Saray Huis 14:2

Sinmempet tan inkuantod kinen ama tan ina to, “Walay sakey a Filistian bii diad Timna ya akasagyat na imanok. Ala yo pa, ta labay kon asawaen.”

Josue 23:12

No ipolisay yo so Katawan tan migampi kayod saray akeraan nin bansa tan miasawaan kayod sikara,